Oʻzbekistonda oltin quymalari narxi yana tarixiy rekordni yangiladi.

Markaziy bank maʼlumotlariga koʻra, 2025 yil 17 oktabr holatiga bir gramm oltin quymasining narxi 1 million 760 ming soʻmni tashkil etmoqda.

Shuningdek, 5 grammli oltin quymasi ilk marotaba 8,8 million soʻmdan oshdi. Markaziy bank tomonidan eʼlon qilingan oltin quymalarining amaldagi narxlari quyidagicha:

5 gramm — 8 801 000 soʻm
10 gramm — 17 601 000 soʻm
20 gramm — 35 203 000 soʻm
50 gramm — 88 007 000 soʻm
100 gramm — 176 013 000 soʻm

Yil boshidan beri oltin quymalari 44 marotaba rekord narxni yangiladi. Soʻnggi 12 oy ichida ularning qiymati 55 foizga oshgan.

Jahon bozorida ham oʻsish davom etmoqda

Xalqaro bozorlarda ham oltin narxi oʻsishda davom etmoqda. 17 oktabr kuni jahon kotirovkalarida oltinning bir unsiyasi 4 380 dollargacha koʻtarildi. Xabar tayyorlanayotgan paytda qimmatbaho metall 4 362 dollar atrofida savdo qilinmoqda.

Oltin 5 ming dollarga chiqishi mumkin

Bank of America tahlillariga koʻra, 2026 yilga borib oltinning bir unsiyasi 5 000 dollar, kumush esa 65 dollargacha yetishi mumkin.

Bank hisobotida oltinning oʻrtacha yillik narxi 4 438 dollar, kumushniki esa 56,25 dollar boʻlishi kutilmoqda.

Mutaxassislarning fikricha, global iqtisodiy beqarorlik, markaziy banklarning oltin zaxiralarini oshirishi va foiz stavkalarining pasayishi bu oʻsishning asosiy sabablari hisoblanadi.

Oltin quymalari narxi rekord darajada oshdi

42-marotaba rekord: oltin quymalari narxi yana oshdi