Oltin narxi tarixda ilk bor 4 400 dollardan oshdi. Buning sababi nimada?
Savdolar davomida qimmatbaho metallning bir unsiyasi 4 410 dollargacha koʻtarilib, tarixda ilk bor 4 400 dollar chegarasidan oshdi. Bir kun ichida oltin narxi 1,5 foizga yoki 66,6 dollarga qimmatlashdi.
Oltin narxlari tarixda ilk bor 4 400 dollar chegarasidan oshdi. Bunga AQShda foiz stavkalari yanada pasaytirilishi kutilayotgani hamda xavfsiz aktivlarga boʻlgan kuchli talab sabab boʻldi.
Jahon bozorlarida oltinning bir unsiyasi narxi 4 410 dollargacha koʻtarildi. Xabar tayyorlanayotgan paytda qimmatbaho metall 4 404 dollar atrofida savdo qilinmoqda. Bir kun ichida oltin narxi 1,5 foizga yoki 66,6 dollarga oshdi.
Ayni paytda bir gramm sof oltinning narxi 141,6 dollarni tashkil etmoqda. Fevral oyida yetkazib beriladigan AQSh oltin fyucherslari esa 1 foizga qimmatlashib, bir unsiya uchun 4 430,30 dollarga yetdi.
Oʻzbekistonda Markaziy bank tomonidan chiqarilgan oltin quymalari narxi hozirda quyidagicha:
Joriy yil boshidan buyon oltin narxi 67 foizga oshib, bir nechta rekordlarni yangiladi hamda tarixda ilk bor 3 000 va 4 000 dollar chegaralaridan oshdi. Oltin 1979 yildan beri eng katta yillik oʻsishga erishishi kutilmoqda.
Anʼanaviy ravishda xavfsiz aktiv hisoblangan oltin geosiyosiy va savdo ziddiyatlarining kuchayishi, markaziy banklarning barqaror xaridlari hamda kelasi yilda foiz stavkalari pasayishi kutilayotgani fonida qoʻllab-quvvatlanmoqda.
AQSh dollarining zaiflashuvi ham oltin narxiga qoʻshimcha turtki berdi, chunki bu metallni xorijiy xaridorlar uchun arzonroq qiladi.
Bozorlar hozirda Federal rezerv tizimi ehtiyotkorona pozitsiyada boʻlishiga qaramay, kelasi yilda ikki marta foiz stavkalari pasaytirilishini narxlarga kiritmoqda. Daromad keltirmaydigan aktivlar, masalan oltin, past foiz stavkalari sharoitida odatda foyda koʻradi.
