Markaziy bank anʼanaviy ravishda mikroqarzlar boʻyicha banklar kesimidagi oʻrtacha foiz stavkalarini eʼlon qildi.

Unga koʻra, ushbu koʻrsatkich bir hafta davomida biroz pasayib (−0,2%), 36,1 foizni tashkil qildi. Shunga qaramasdan, bu oʻtgan oyning shu davriga nisbatan 1,3 foizga yuqoridir.

Banklar kesimida eng yuqori mikroqarz stavkasi TBC Bank’da qayd etilib, u 42,4 foizni tashkil etdi. Shuningdek, Anor bank (40,2%) va Tenge bank’da (39,8%) ham foiz stavkalari yuqori ekanligini koʻrish mumkin.

Oʻrtacha koʻrsatkichdan yuqori stavkalar

Oʻrtacha darajadan yuqoriroq stavkalar kuzatilgan boshqa banklar qatoriga:

Davr bank – 37,4%,
Ipoteka bank – 36,8%,
Apex bank – 35,9% kiradi.

Nisbatan past foiz stavkalari

Mikroqarzlar boʻyicha eng past stavka Aloqabankda kuzatilib, 21,8%ni tashkil etdi. Shuningdek:

Agrobank – 27,6%,
Mikrokreditbank – 27,3%,
Asaka bank – 27,0%,
Infin bank – 26,8%,
Trast bank – 26,6%,
Orient Finans bank– 26,3%,
NBU– 26,0% ham past stavkalarni taklif qilayotgan banklar sirasiga kiradi.

Qator banklarda esa stavkalar 28–30 foiz oraligʻida shakllandi. Masalan, Kapitalbank – 28,0%, Ziraat bank – 28,3%, Turon bank – 28,4%, BRB– 28,5%, Xalq banki – 28,7%, Asia Alliance bank– 29,6%, Garant bank – 29,7%, SQB– 29,8%, Poytaxt bank – 29,9% kabi koʻrsatkichlar qayd etilgan.

Taqqoslash uchun, jismoniy shaxslarga ajratilayotgan kreditlarning (mikroqarzlardan tashqari) oʻrtacha foiz stavkasi 24,2 foizni, yuridik shaxslarga ajratilayotgan kreditlar esa 22,2 foizni tashkil etmoqda.

Banklarda mikroqarzlar boʻyicha oʻrtacha foiz stavkasi biroz pasaydi