Mikroqarz, ipoteka va avtokredit: qaysi banklar eng past foiz taklif qilmoqda?
Markaziy bank 22 apreldan boshlab ipoteka kreditlari boʻyicha ham oʻrtacha foiz stavkalarini eʼlon qila boshladi. Hozirda ipoteka kreditlarining oʻrtacha stavkasi 23,5%, avtokreditlar 22,8% va mikroqarzlar 29,1% ni tashkil etmoqda. Eng past stavkalar ipoteka boʻyicha “Aloqabank”da 18%, avtokreditlarda “Infinbank”da 18,5% va mikroqarzlarda yana “Aloqabank”da 24,1% darajasida qayd etilgan.
Markaziy bank 22 apreldan boshlab banklar kesimida ipoteka kreditlari boʻyicha ham oʻrtacha foiz stavkalarini eʼlon qila boshladi. Avval faqat mikroqarz va avtokreditlar boʻyicha foiz stavkalari eʼlon qilinayotgan edi.
Ipoteka kreditlari
Ipoteka kreditlarining oʻrtacha foiz stavkasi 23,5% ni tashkil etmoqda. Mazkur yoʻnalishda isteʼmolchilar uchun eng past foiz stavkalarini quyidagi tijorat banklari taklif etmoqda:
- “Aloqabank” — 18,0% (eng past koʻrsatkich)
- “Oʻzsanoatqurilishbank” (SQB) — 21,2%
- “Agrobank” — 21,3%
- “Ipoteka-bank” — 21,6%
Avtokreditlar
Avtotransport vositalarini xarid qilish maqsadida ajratilayotgan kreditlarning oʻrtacha bozordagi stavkasi 22,8% darajasida belgilangan. Ushbu turdagi kreditlar boʻyicha eng qulay shartlar quyidagi banklarda mavjud:
- “Infinbank” — 18,5%
- “BRB” (Biznesni rivojlantirish banki) — 18,7%
- “Davr bank” — 19,6%
- “Oʻzsanoatqurilishbank” (SQB) — 21,5%
Mikroqarzlar
Jismoniy shaxslarga ajratilayotgan mikroqarzlarning oʻrtacha foiz stavkasi 29,1% ni tashkil etadi. Biroq ayrim moliya muassasalarida ushbu xizmat turi nisbatan pastroq foizlarda taqdim etilmoqda:
- “Aloqabank” — 24,1%
- “Milliy bank”(“Oʻzmilliybank”) — 24,2%
- “Infinbank” — 24,3%
- “Trastbank” — 24,7%
Eng qimmat stavkalar:
- “Tenge bank” — 42,7%
- “Anorbank” — 40,4%
- “AVO bank” — 39,9%
