Markaziy bankning Bank nazorati qoʻmitasi 2025 yil oktabr oyida oʻtkazgan yetti yigʻilishida jami 24 ta masalani koʻrib chiqib, tegishli qarorlar qabul qildi.

Roʻyxatga olish va ruxsat berish yoʻnalishida 14 ta masala koʻrib chiqildi. Ularga kredit tashkilotlari ustaviga oʻzgartirishlarni roʻyxatdan oʻtkazish (3 ta), yangi mikromoliya tashkilotlarini hisobga olish (2 ta), bir mikromoliya tashkilotini reyestrdan chiqarish, kredit tashkilotlarining ustav fondidagi ulushini sotib olishga ruxsat berish (3 ta), shuningdek tijorat banklari va mikromoliya tashkilotlari rahbariyati hamda muhim ahamiyatga ega xodimlar nomzodlarini koʻrib chiqish (5 ta) kiradi.

Shuningdek, kredit tashkilotlarining moliyaviy holati va prudensial meʼyorlarga rioya etilishi boʻyicha 10 ta masala muhokama qilindi. Ular Markaziy bank talablarining bajarilishi, tijorat banklari va mikromoliya tashkilotlarida oʻtkazilgan inspeksiyalar natijalari, isteʼmolchilarning huquqlarini himoya qilish, shuningdek jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirishga qarshi kurashish masalalarini oʻz ichiga oldi.

Aniqlangan kamchiliklar sabab 1 ta bank va 1 ta toʻlov tashkiloti ogohlantirildi. Shuningdek, qonunchilik talablari buzilganligi uchun 3 ta bank, 5 ta mikromoliya tashkiloti va 2 ta toʻlov tashkilotiga jarima sanktsiyalari qoʻllandi.

TEZPAY va NATIONAL PAY AJlarda aniqlangan qoidabuzarliklar asosida Markaziy bank ularning ayrim toʻlov xizmatlari va operatsiyalarini 13 noyabrdan boshlab olti oy muddatga chekladi. Cheklovlar elektron toʻlovlarga ishlov berish, banklarga zarur maʼlumotlarni uzatish hamda pul mablagʻlarini qabul qilish va oʻtkazmalarni amalga oshirish kabi yoʻnalishlarga taalluqli.

Paynet 2025 yilda 395 mlrd soʻm sof foyda oldi

Markaziy bank ikkita toʻlov tashkiloti faoliyatini 6 oyga chekladi