Ўзбекистонда банклар томонидан чиқарилган муомаладаги банк карталари сони 65 миллион донадан ошди. Бу ҳақда Марказий банк ҳисоботида маълум қилинди.

1 ноябрь ҳолатига кўра, мамлакатдаги амалда бўлган банк карталарининг умумий сони 65 млн 44 минг донани ташкил қилади. Банклар орасида энг кўп карта Халқ банкига тегишли. Бироқ ушбу банкдаги карталар сони йил бошига нисбатан қарийб 2 миллион донага камайган.

Иккинчи ўринда 6,6 миллион муомаладаги карта билан Агробанк жойлашган. Бу банкдаги карталар сони йил бошидан буён 1,2 миллионга кўпайган. Учинчида эса 5,2 миллион дона карта билан Ипотека банк турибди (+0,6 млн).

Шунингдек:

Миллий банк — 4,3 млн
TBC Bank — 4,2 млн
Uzum Bank — 3,7 млн
Ҳамкорбанк — 3,6 млн

Тўлов терминаллари сони бўйича етакчи банклар:

Hamkorbank — 51 346 та
Миллий банк — 40 026 та
Халқ банки — 38 297 та
Ипотека банк — 35 820 та
СҚБ (Ўзсаноатқурилишбанк) — 30 941 та

Январь–октябрь ойларида терминаллар орқали 359,9 трлн сўм тушум қайд этилган. Тўлов терминаллари орқали энг кўп тушум Алоқабанкда кузатилди — 43,6 трлн сўм.

Банкомат ва инфокиосклар сони бўйича етакчилар:

Тўлов ташкилотлари — 22 708 та
Халқ банки — 3 113 та
Агробанк — 1 969 та
Капиталбанк — 1 478 та
Миллий банк — 956 та

Ўзбекистонда муомаладаги банк карталари сони 65 млндан ошди