Markaziy bank 2026 yil 5 yanvar holatiga oltin quymalarining narxlarini eʼlon qildi. Ushbu eʼlonda ilk bor oltin quymalarini qaytarib sotib olish narxlari ham ochiqlandi.

Maʼlumotlarga koʻra, oltin quymalarining sotish va qayta sotib olish narxlari oʻrtasidagi tafovut 3,9 foizdan 4,9 foizgacha yetmoqda. Qadogʻi but va texnik talablarga toʻliq javob beradigan quymalar sotish narxidan 3,9 foiz arzonroq narxda qayta sotib olinmoqda. Texnik talablarga mos kelmaydigan quymalar esa sotish narxidan 4,9 foiz past baholanmoqda.

5 yanvar holatiga koʻra, 100 grammli oltin quyma banklarda 174,7 mln soʻmdan sotilmoqda. Taqqoslash uchun, 2025 yil dekabr oyida ushbu quyma rekord darajaga chiqib, qariyb 180 mln soʻmdan savdoga chiqarilgan edi. Toʻliq sotib olish narxlari bilan quyida tanishish mumkin:

100 grammli oltin quymalar Oʻzbekistonda ilk bor 2025 yil yanvar oyida sotuvga chiqarilgan. Oʻshanda ularning narxi 116,6 mln soʻmni tashkil etgan.

Qaysi banklarda oltin quymalarini xarid qilish mumkinligi haqidagi toʻliq roʻyxat Markaziy bankning rasmiy saytida eʼlon qilingan.

Oltin narxi bilan 2026 yilda nimalar sodir boʻladi?

Pinkod avvalroq 2026 yilda oltin narxio bilan nimalar sodir boʻlishi haqida maqola eʼlon qilgan edi. Unda yirik xalqaro moliyaviy tashkilotlar baholashlari asosida oltin narxi uchun prognozlar keltirib oʻtilgan.

Goldman Sachs oltin narxi 2026 yil oxiriga kelib unsiyasi uchun 4 900 dollarga yetishini kutmoqda.

JPMorgan 2026 yil IV choragida narx 5 000 dollar atrofida boʻlishini, uzoq muddatda esa 6 000 dollargacha chiqishini istisno qilmaydi.

Yirik moliyaviy institutlarning konsensus fikri (umumiy fikri) oltinning yil oxiriga kelib 4 400 va 5 300 dollar oraligʻida barqarorlashishini, yuqori ssenariylarda esa 6 000 dollar yoki undan koʻproqqa yetishini koʻrsatmoqda. To‘liq maqola bilan quyida tanishish mumkin:

2026 yilda oltin narxi bilan nimalar sodir boʻladi — Prognoz

Markaziy bank ilk marotaba oltin quymalarining qayta sotib olish narxlarini eʼlon qildi

Oltin narxi tarixda ilk bor 4 400 dollardan oshdi. Buning sababi nimada?