Oʻzbekiston Respublikasi Prezidentining ish haqi, pensiyalar, stipendiyalar va nafaqalar miqdorini oshirish toʻgʻrisidagi farmoni qabul qilindi.

Mazkur farmonga koʻra, 2025 yil 1 iyuldan boshlab pensiyalar, ijtimoiy nafaqalar, kam taʼminlangan oilalarga toʻlanadigan bolalar nafaqasi va moddiy yordam toʻlovlari 10 foizga oshiriladi.

2025 yil 1 avgustdan esa byudjet tashkilotlari xodimlarining ish haqi, talabalar va oʻquvchilarning stipendiyalari ham 10 foizga koʻtariladi.

Shuningdek, ushbu farmon bilan bazaviy miqdorlar ham oʻzgaradi. 1 iyuldan boshlab pensiyani hisoblashning bazaviy miqdori oyiga 471 000 soʻm etib belgilanadi. 1 avgustdan boshlab esa mehnatga haq toʻlashning eng kam miqdori 1 271 000 soʻm, bazaviy hisoblash miqdori esa 412 000 soʻmni tashkil etadi (avval 375 000 soʻm edi).

Bu oʻzgarishlar ayrim jarima miqdorlariga ham bevosita taʼsir qiladi. Masalan, 2025 yil 1 avgustdan boshlab haydovchilarning belgilangan tezlikni oshirishi uchun jarimalar quyidagicha boʻladi:

Tezlikni soatiga 20 km gacha oshirgani uchun — 412 000 soʻm (ayni vaqtda 375 000 soʻm);
Tezlikni 20–40 km oraligʻida oshirgani uchun — 2 060 000 soʻm (ayni vaqtda 1 875 000 soʻm);
Tezlikni 40–60 km oraligʻida oshirgani uchun — 3 708 000 soʻm (ayni vaqtda 3 375 000 soʻm);
Tezlikni 60 km dan ortiq oshirgani uchun — 6 180 000 soʻm (ayni vaqtda 5 625 000 soʻm).

1 avgustdan boshlab jarimalar miqdori ham koʻtariladi