Hamkorbank 2025 yilning 9 oylik moliyaviy hisobotini taqdim etdi. Unga koʻra, bank foydasida sezilarli oʻsish qayd etilgan.

Yanvar–sentabr oylarida bankning sof foydasi 1 trln 268 mlrd soʻmni tashkil qildi. Bu oʻtgan yilning mos davriga nisbatan 226,7 mlrd soʻmga yoki 21,8 foizga koʻproqdir.

Yil boshidan beri bankning aktivlari ham oʻsishda davom etmoqda. Xususan, bankning jami aktivlari hajmi 22,7 foizga oʻsib, qariyb 32,5 trln soʻmga yetdi. Bankning oʻz kapitali esa 31,1 foizga koʻpayib, deyarli 6,3 trln soʻmni tashkil qildi.

9 oy ichida bank 3,9 trln soʻmlik foizli daromadlar oldi (+20,8%). Foizsiz daromadlar esa 3,2 trln soʻmni tashkil qildi. Bu turdagi daromadlar avvalgi yilga nisbatan 49 foizga kamaydi.

Bank ushbu davrda xodimlar maoshi va boshqa xarajatlariga 889,3 mlrd soʻm, shuningdek, 281,7 mlrd soʻmlik daromad soligʻi toʻladi.

Maʼlumot uchun, Hamkorbank birinchi yarim yilik yakunlari boʻyicha 806,8 mlrd soʻmlik sof foyda bilan Oʻzbekistondagi uchinchi eng koʻp foyda olgan bank boʻlgan. Faqatgina Oʻzmilliybank va SQB yarim yillikni yuqoriroq natija bilan yakunlagan.

Hamkorbank’ning 9 oylik foydasi qariyb 1,3 trln soʻmga yetdi