Yangi yil bayrami kunlari qaysi banklar ishlaydi?
31 dekabrdan 4 yanvargacha boʻlgan davrda 26 ta tijorat banki filialida valyuta ayirboshlash hamda xalqaro pul oʻtkazmalari xizmatlari koʻrsatiladi.
Shuningdek, banklarning 24/7 rejimida ishlovchi bankomatlari orqali, shuningdek mobil ilovalari yordamida istalgan vaqtda onlayn valyuta operatsiyalarini amalga oshirish mumkin.
Banklar roʻyxati va ularning ish tartibi haqida batafsil:
Markaziy bank Yangi yil bayrami va dam olish kunlarida ishlaydigan tijorat banklari roʻyxatini eʼlon qildi.
Prezident farmoniga muvofiq, Oʻzbekistonda Yangi yil munosabati bilan ketma-ket 5 kun dam olish kuni etib belgilandi. Jumladan, 31 dekabr (chorshanba) va 2 yanvar (juma) — ish haftasi turidan qatʼi nazar barcha xodimlar uchun dam olish kuni hisoblanadi.
Shuningdek, 3 yanvar (shanba) — olti kunlik ish haftasida ishlovchilar uchun qoʻshimcha dam olish kuni, 1 yanvar (payshanba) esa Yangi yil bayrami munosabati bilan rasmiy dam olish kuni sanaladi. 4 yanvar (yakshanba) esa odatdagidek umumiy dam olish kunidir.
Bayram va dam olish kunlari davomida quyidagi 26 ta tijorat banki filiallarida valyuta ayirboshlash hamda xalqaro pul oʻtkazmalari xizmatlari koʻrsatiladi:
- Agrobank;
- Aloqabank;
- Anor bank;
- Apexbank;
- Asia Alliance bank;
- Asakabank;
- Biznesni rivojlantirish banki;
- Davr Bank;
- Garant bank;
- Hamkorbank;
- Hayot bank;
- Ipoteka-bank;
- Ipak Yuli Banki;
- InFInBank;
- Mikrokreditbank;
- Orient Finans bank;
- Octobank;
- Poytaxt bank;
- Saderat bank;
- Trastbank;
- Tenge bank;
- Turonbank;
- Universalbank;
- Xalq banki;
- Oʻzmilliybank;
- Oʻzsanoatqurilishbank.
Shuningdek, 24/7 rejimida ishlovchi avtomatlashtirilgan valyuta ayirboshlash bankomatlari orqali, shuningdek, banklarning mobil ilovalari yordamida istalgan vaqtda onlayn valyuta ayirboshlash operatsiyalarini amalga oshirish mumkin.
Eslatib oʻtamiz, filiallarning ish vaqti banklarga qarab farq qilishi mumkin. Shu sababli aniq maʼlumotni toʻgʻridan-toʻgʻri tegishli banklardan aniqlashtirish tavsiya etiladi.
