Tesla aksiyadorlari Ilon Mask uchun 1 trln dollarlik mukofot rejasini maʼqulladi
Tesla aksiyadorlari kompaniya rahbari Ilon Mask uchun qiymati kelajakda 1 trillion dollarga yetishi mumkin boʻlgan rekord kompensatsiya paketini maʼqulladi. Ovoz berishda qatnashganlarning 75 foizdan ortigʻi rejani qoʻllab-quvvatladi. Dastur 12 bosqichdan iborat boʻlib, Tesla bozor qiymatini hozirgi 1,5 trillion dollardan 8,5 trillion dollargacha oshirishni koʻzda tutadi.
Tesla aksiyadorlari Ilon Mask uchun rekord darajadagi kompensatsiya paketini tasdiqladi. Uning qiymati kelajakda 1 trillion dollarga yetishi mumkin.
Ovoz berishda qatnashgan aksiyadorlarning 75%dan koʻprogʻi rejani maʼqullash uchun ovoz berdi. Bu koʻrsatkich Mask oldingi ish haqi takliflari boʻyicha olgan qoʻllab-quvvatlash darajasiga mos keladi.
Ovoz berishda qatnashgan aksiyadorlarning 75% dan koʻprogʻi bu taklifni qoʻllab-quvvatladi. Natija eʼlon qilingach, yigʻilishda aksiyadorlar “Ilon! Ilon!” deb qichqira boshlashgan.
Kelishuvga koʻra, Mask darhol 1 trillion dollarlik ulushni qoʻlga kiritmaydi va unga maosh ham toʻlanmaydi. Biroq Tesla muayyan natijalarga erishib, foydasini oshira olsa, Mask yuzlab milliard dollarga ega boʻlishi va kompaniyadagi nazorat ulushini yanada kuchaytirishi mumkin. Ushbu natijalarning ayrimlari bajarilishi qiyin boʻlishi kutilmoqda, ammo ular asosan Mask yillar davomida vaʼda qilib kelgan strategik maqsadlarning yumshatilgan shaklidir.
Kompensatsiya dasturi 12 ta bosqichdan iborat boʻlib, unda kompaniyaning daromadi, operatsion koʻrsatkichlari va bozor kapitallashuvi asosiy mezon sifatida belgilanadi.
Har bir bosqich bajarilganda Maskga qoʻshimcha aksiyalar beriladi. Masalan, hozirda Tesla bozor qiymati qariyb 1,5 trillion dollarni tashkil etadi, biroq kelgusi oʻn yil ichida bu koʻrsatkichni 8,5 trillion dollargacha oshirish rejalashtirilgan.
Ovoz berishdan oldin Tesla rahbariyati aksiyadorlarni reja foydasiga ovoz berishga chaqirdi. Hatto direktorlar kengashi raisi Robin Denholm, odatda OAV bilan kam muloqot qiladigan boʻlsa-da, bir necha intervyu berdi va yigʻilishda nutq soʻzladi. U biroz ovozini yoʻqotganiga qaramay, kompaniya holati hamda Mask paketining ahamiyati haqida soʻz yuritdi.
Tesla hatto ovoz berish haqida televideniye reklamalarini ham eʼlon qildi — bu kompaniya oʻz avtomobillari uchun ham deyarli qilmaydigan noodatiy qadam edi.
Ushbu kompensatsiya rejasi ilgari sud tomonidan bekor qilingan mukofotni qisman qoplaydi. 2018 yilda direktorlar kengashi Mask uchun Tesla kapitallashuvining oʻsishiga bogʻliq, 50 milliard dollardan ortiq qiymatga ega tarixiy kompensatsiya rejasini tasdiqlagan edi.
