Tesla акциядорлари Илон Маск учун 1 трлн долларлик мукофот режасини маъқуллади
Tesla акциядорлари компания раҳбари Илон Маск учун қиймати келажакда 1 триллион долларга етиши мумкин бўлган рекорд компенсация пакетини маъқуллади. Овоз беришда қатнашганларнинг 75 фоиздан ортиғи режани қўллаб-қувватлади. Дастур 12 босқичдан иборат бўлиб, Tesla бозор қийматини ҳозирги 1,5 триллион доллардан 8,5 триллион долларгача оширишни кўзда тутади.
Tesla акциядорлари Илон Маск учун рекорд даражадаги компенсация пакетини тасдиқлади. Унинг қиймати келажакда 1 триллион долларга етиши мумкин.
Овоз беришда қатнашган акциядорларнинг 75%дан кўпроғи режани маъқуллаш учун овоз берди. Бу кўрсаткич Маск олдинги иш ҳақи таклифлари бўйича олган қўллаб-қувватлаш даражасига мос келади.
Овоз беришда қатнашган акциядорларнинг 75% дан кўпроғи бу таклифни қўллаб-қувватлади. Натижа эълон қилингач, йиғилишда акциядорлар “Илон! Илон!” деб қичқира бошлашган.
Келишувга кўра, Маск дарҳол 1 триллион долларлик улушни қўлга киритмайди ва унга маош ҳам тўланмайди. Бироқ Тесла муайян натижаларга эришиб, фойдасини ошира олса, Маск юзлаб миллиард долларга эга бўлиши ва компаниядаги назорат улушини янада кучайтириши мумкин. Ушбу натижаларнинг айримлари бажарилиши қийин бўлиши кутилмоқда, аммо улар асосан Маск йиллар давомида ваъда қилиб келган стратегик мақсадларнинг юмшатилган шаклидир.
Компенсация дастури 12 та босқичдан иборат бўлиб, унда компаниянинг даромади, операцион кўрсаткичлари ва бозор капиталлашуви асосий мезон сифатида белгиланади.
Ҳар бир босқич бажарилганда Маскга қўшимча акциялар берилади. Масалан, ҳозирда Tesla бозор қиймати қарийб 1,5 триллион долларни ташкил этади, бироқ келгуси ўн йил ичида бу кўрсаткични 8,5 триллион долларгача ошириш режалаштирилган.
Овоз беришдан олдин Tesla раҳбарияти акциядорларни режа фойдасига овоз беришга чақирди. Ҳатто директорлар кенгаши раиси Робин Денҳолм, одатда ОАВ билан кам мулоқот қиладиган бўлса-да, бир неча интервью берди ва йиғилишда нутқ сўзлади. У бироз овозини йўқотганига қарамай, компания ҳолати ҳамда Маск пакетининг аҳамияти ҳақида сўз юритди.
Tesla ҳатто овоз бериш ҳақида телевидение рекламаларини ҳам эълон қилди — бу компания ўз автомобиллари учун ҳам деярли қилмайдиган ноодатий қадам эди.
Ушбу компенсация режаси илгари суд томонидан бекор қилинган мукофотни қисман қоплайди. 2018 йилда директорлар кенгаши Маск учун Tesla капиталлашувининг ўсишига боғлиқ, 50 миллиард доллардан ортиқ қийматга эга тарихий компенсация режасини тасдиқлаган эди.
