Oʻzbekistonda ipoteka kreditlari: qaysi banklarda foizlar eng past?
Oʻzbekiston tijorat banklarida ipoteka kreditlari boʻyicha foiz stavkalari 2026 yil 10 mart holatiga koʻra 0% dan 32% gachani tashkil etmoqda. Ayrim banklarda ipoteka kreditining maksimal miqdori esa 3 mlrd 420 mln soʻmgacha yetishi mumkin.
2026 yil 10 mart holatiga koʻra, tijorat banklarida birlamchi va ikkilamchi uy-joy sotib olish uchun ipoteka kreditlari boʻyicha foizlar 0 foizdan 32 foizgacha boʻlgan oraliqda shakllangan. Bu haqda Oʻzbekiston ipotekani qayta moliyalashtirish kompaniyasi maʼlumotlarida keltirilgan.
Eng past foiz taklif qilayotgan banklar
Birlamchi va ikkilamchi uy-joy ipotekasi boʻyicha eng past foiz stavkalari quyidagi banklarda kuzatilgan:
- Apexbank — 0%
- Asakabank — 0%dan 24,5%gacha
- OFB — 0%dan 26%gacha
- Ipoteka bank — 0%dan 26,9%gacha
Eng yuqori foiz stavkalari
Ayrim banklarda ipoteka kreditlari boʻyicha foiz stavkalari nisbatan yuqori:
- Poytaxt bank — 28–32%
- Saderatbank — 28%
- Garant bank — 26–28%
- Davr bank — 25,9–28,9%
Eng katta ipoteka miqdorini taklif qilgan banklar
Tahlilga koʻra, ipoteka kreditining maksimal miqdori ham banklar kesimida sezilarli farq qiladi. Quyidagi banklar eng yirik miqdorda taklif qilmoqda:
- Ipak Yuli Banki — 3 mlrd 420 mln soʻmgacha
- Universal bank — 3 mlrd soʻmgacha
- BRB — 2 mlrd 60 mln soʻmgacha
- Asakabank va Ziraat Bank — 2 mlrd soʻmgacha
Yashil taʼmir va uy-joyni taʼmirlash kreditlari
Bunday kreditlar boʻyicha eng past foiz stavkalari quyidagi banklarda qayd etilgan:
- Agrobank — 18–20%
- Mikrokreditbank — 18%
- OFB — 19%
Aniq shartlar va qoʻshimcha talablar boʻyicha tijorat banklariga murojaat qilish tavsiya etiladi. Banklar veb-saytlari manzillari bilan bu yerda tanishish mumkin
