Bitcoin narxi tarixda ilk marotaba $124,000 dan yuqoriga chiqdi
Bitcoin 14-avgust kuni $124,000 dan oshib, tarixdagi eng yuqori darajani yangiladi va qisqa muddatga kapitalizatsiya jihatidan Google’ni ortda qoldirib, dunyoning eng qimmat beshinchi aktiviga aylandi.
14 avgust kuni Bitcoinnarxi $124,000 dan oshib, yangi rekord darajaga yetdi.
Kriptoaktiv qisqa muddatga Googlening $2,488 trillionlik bozor kapitallashuvini ortda qoldirib, dunyoning eng qimmat beshinchi aktiviga aylandi.
CoinMarketCap maʼlumotlariga koʻra, BTC kun davomida maksimal $124,457.12 darajasigacha koʻtarildi. Xabar tayyorlanayotgan paytda esa narx biroz pasayib, $120,900 atrofida savdo qilinmoqda.
Dunyoning ikkinchi yirik kriptovalyutasi Ethereum ham keskin oʻsib, 2021-yilda qayd etilgan choʻqqisiga yaqinlashdi.
Mutaxassislar bunday oʻsishning asosiy omillari sifatida AQSh CPI inflyatsiyasi kutilganidan pastroq boʻlishi va Prezident Donald Trampning bosimi natijasida kelasi oy foiz stavkalari pasayishi mumkinligi haqidagi prognozlarni koʻrsatmoqda. Bu omillar investorlar ishonchini oshirib, Bitcoin’ni yangi rekord darajaga olib chiqdi.
Korporativ talab ham oʻsishni qoʻllab-quvvatladi. Dunyodagi eng yirik korporativ BItcoin egalari orasida oltinchi oʻrinda turuvchi kompaniya Metaple Inc. bu hafta $60 millionlik yangi xaridni eʼlon qildi va qoʻshimcha sotib olishlar uchun milliardlab dollar yigʻmoqda. MicroStrategy esa avgust boshida yirik hajmdagi Bitcoin xaridini tasdiqlab, umumiy zaxirasini 628,946 tangaga yetkazdi.
