Aprel oyida uy-joy bozori qanday oʻzgardi?
Ikki oy davom etgan pasayishdan soʻng, aprel oyida Oʻzbekiston koʻchmas mulk bozori tiklanish alomatlarini koʻrsatdi.
Jumladan, ushbu davrda koʻchmas mulk bozorida 24 mingta bitim tuzilib, faollik oʻtgan oyga nisbatan 20 foizga oshdi.
Koʻchmas mulk bozoridagi faollik ketma-ket ikki oylik pasayishdan soʻng, aprel oyida barqaror tiklanishni namoyon etdi. Oy davomida tuzilgan bitimlar soni 20%ga oshib, 24 mingtaga yetdi. Bu haqda Iqtisodiy tadqiqotlar va islohotlar markazi hisobotida keltirilgan.
Hududiy oʻsish
Aprel oyida respublikaning barcha hududlarida bitimlar soni oshdi. Eng yuqori oʻsish Namanganda (39%), Samarqandda (29%) va Buxoroda (27%) qayd etildi.
Ikkilamchi bozordagi uy-joy narxlari
Oʻrtacha uy-joy narxlari mart oyiga nisbatan 1,3%ga, yillik hisobda esa 2,4%ga oshdi. Eng yuqori oʻsish Jizzax, Surxondaryo, Xorazm va Qoraqalpogʻistonda kuzatildi.
Toshkent shahridagi holat
Poytaxtda bozor nisbatan barqaror boʻlib qoldi. Ikkilamchi bozorda narxlar 0,3%ga pasaydi, yillik hisobda esa ikkilamchi uy-joylar 6,3%ga, birlamchi uy-joylar 4,2%ga arzonlashdi.
- Ikkilamchi bozordagi eng katta pasayish: Chilonzor (10,7%), Mirzo Ulugʻbek (9,4%), Yashnobod (8,2%)
- Birlamchi bozordagi eng katta pasayish: Uchtepa (15,3%), Shayxontohur (13,3%), Yunusobod (8,8%)
Ijara bozori
Aprel oyida Toshkentda ijara narxlari barqaror qoldi — oʻrtacha 1 kv.m uchun 8,1 dollar. Mirobod, Shayxontohur va Yakkasaroy tumanlarida ijara narxlari 10,4 dollargacha yetdi. Yillik hisobda ijara narxlari 3%ga pasaydi.
