Agrobank raisi Rustam Mamatkulov ishdan ketgani aytilmoqda
Qayd etilishicha, bank rasmiy saytida raislik qiluvchi nomi oʻzgargan.
Agrobank ATB boshqaruvi raisi Rustam Mamatkulov lavozimidan ketgan. Bu haqda Platina nashri xabar berdi.
Bank rasmiy saytining "Rahbariyat" boʻlimida rais nomi oʻzgargan. Ammo bu haqda hozircha hech qayerda rasmiy maʼlumot berilmadi.
Ayni paytda Erkin Qaxorov Agrobank ATBning yangi raisi sifatida koʻrsatilgan. U bu paytgacha raisning birinchi oʻrinbosari edi.
Rustam Mamatkulov bankni 2019 yildan beri boshqarib kelayotgan edi. Faoliyati davomida u “Sodiq xizmatlari uchun” medali hamda “Doʻstlik” ordeni bilan taqdirlangan.
Yangi rais Erkin Kaxorov 1988 yil Namangan viloyati, Kosonsoy tumanida tugʻilgan. 2009 yil Namangan muhandislik-iqtisodiyot institutini, 2017 yil esa Oʻzbekiston Respublikasi Bank-moliya akademiyasini tugatgan. Bank sohasida 15 yildan koʻproq tajribaga ega.
Avvalroq, Xasan Raxmatov Asia Alliance Bank kuzatuv kengashi raisi etib saylangani haqida xabar berilgan edi.
