9 oyda qaysi umumiy ovqatlanish kompaniyasi koʻproq soliq toʻladi?
2025 yilning yanvar–sentabr oylarida umumiy ovqatlanish sohasi 14,7 trln soʻmlik tovar aylanmasini amalga oshirib, byudjetga 1,25 trln soʻm soliq toʻlagan. Eng yirik soliq toʻlovchilar orasida xalqaro brend KFC (International Foodchain – 72,5 mlrd soʻm), EVOS (Mak Food Servis – 50,3 mlrd soʻm) va Oqtepa Lavash (Oqtepa Food Service – 28,6 mlrd soʻm) yetakchilik qildi.
2025 yilning yanvar-sentabr oylarida umumiy ovqatlanish korxonalari tomonidan 1,25 trln soʻm soliq toʻlandi. Bu haqda Soliq qoʻmitasi xabar berdi.
Ushbu davrda soha boʻyicha tovar aylanmasi 14,7 trln soʻmni, berilgan soliq imtiyozlari esa 126,6 mlrd soʻmni tashkil qildi.
Top-20 yirik soliq toʻlovchi korxonalar 244,3 mlrd soʻm soliq toʻlagani bilan ajralib turadi. Bu sohadagi jami soliq tushumining qariyb beshdan bir qismidir. Shu 20 ta korxonaning umumiy tovar aylanmasi 3,26 trln soʻmga teng boʻlib, umumiy aylanmaning 22,2 foizini qamrab olgan.
| № | Korxona nomi | Toʻlangan soliq (mlrd soʻm) |
|---|---|---|
| 1 | International Foodchain MChJ | 72,5 |
| 2 | Mak Food Servis MChJ | 50,3 |
| 3 | Oqtepa-Food Service MChJ | 28,6 |
| 4 | Ketring MChJ | 25,6 |
| 5 | FeedUp Eco MChJ | 6,2 |
| 6 | Savdo MChJ | 6,0 |
| 7 | MaxWay Food MChJ | 5,2 |
| 8 | PJ Eastern Group MChJ | 5,2 |
| 9 | French Pastry MChJ | 4,8 |
| 10 | Chef Catering MChJ | 4,6 |
| 11 | Vanilla Food MChJ QK | 4,5 |
| 12 | Bellissimo Pizza International MChJ | 4,5 |
| 13 | Alfa Best MChJ | 4,5 |
| 14 | WenCaf MChJ QK | 3,9 |
| 15 | Dodo Pizza Tashkent MChJ | 3,6 |
| 16 | Lambic MChJ | 3,4 |
| 17 | The Choyxona Group MChJ | 3,0 |
| 18 | Real Business Trade MChJ | 2,9 |
| 19 | Xonobod Fayz Taomlari MChJ | 2,9 |
| 20 | Temiryo‘loyo‘lchi Servis MChJ | 2,9 |
Eng koʻp soliq toʻlagan korxonalar orasida KFC Uzbekistan nomi ostida faoliyat olib boruvchi International Foodchain MChJ 72,5 mlrd soʻm bilan yetakchilik qilmoqda. Ikkinchi oʻrinni Mak Food Servis(EVOS) (50,3 mlrd soʻm), uchinchi oʻrinni esa Oqtepa-Food-Service (28,6 mlrd soʻm) egallagan.
