9 ойда қайси умумий овқатланиш компанияси кўпроқ солиқ тўлади?
2025 йилнинг январь–сентябрь ойларида умумий овқатланиш соҳаси 14,7 трлн сўмлик товар айланмасини амалга ошириб, бюджетга 1,25 трлн сўм солиқ тўлаган. Энг йирик солиқ тўловчилар орасида халқаро бренд KFC (International Foodchain – 72,5 млрд сўм), EVOS (Мак Food Servis – 50,3 млрд сўм) ва Oqtepa Lavash (Oqtepa Food Service – 28,6 млрд сўм) етакчилик қилди.
2025 йилнинг январь-сентябрь ойларида умумий овқатланиш корхоналари томонидан 1,25 трлн сўм солиқ тўланди. Бу ҳақда Солиқ қўмитаси хабар берди.
Ушбу даврда соҳа бўйича товар айланмаси 14,7 трлн сўмни, берилган солиқ имтиёзлари эса 126,6 млрд сўмни ташкил қилди.
Топ-20 йирик солиқ тўловчи корхоналар 244,3 млрд сўм солиқ тўлагани билан ажралиб туради. Бу соҳадаги жами солиқ тушумининг қарийб бешдан бир қисмидир. Шу 20 та корхонанинг умумий товар айланмаси 3,26 трлн сўмга тенг бўлиб, умумий айланманинг 22,2 фоизини қамраб олган.
| № | Корхона номи | Тўланган солиқ (млрд сўм) |
|---|---|---|
| 1 | International Foodchain МЧЖ | 72,5 |
| 2 | Mak Food Servis МЧЖ | 50,3 |
| 3 | Oqtepa-Food Service МЧЖ | 28,6 |
| 4 | Ketring МЧЖ | 25,6 |
| 5 | FeedUp Eco МЧЖ | 6,2 |
| 6 | Savdo МЧЖ | 6,0 |
| 7 | MaxWay Food МЧЖ | 5,2 |
| 8 | PJ Eastern Group МЧЖ | 5,2 |
| 9 | French Pastry МЧЖ | 4,8 |
| 10 | Chef Catering МЧЖ | 4,6 |
| 11 | Vanilla Food МЧЖ ҚК | 4,5 |
| 12 | Bellissimo Pizza International МЧЖ | 4,5 |
| 13 | Alfa Best МЧЖ | 4,5 |
| 14 | WenCaf МЧЖ ҚК | 3,9 |
| 15 | Dodo Pizza Tashkent МЧЖ | 3,6 |
| 16 | Lambic МЧЖ | 3,4 |
| 17 | The Choyxona Group МЧЖ | 3,0 |
| 18 | Real Business Trade МЧЖ | 2,9 |
| 19 | Xonobod Fayz Taomlari МЧЖ | 2,9 |
| 20 | Temiryo‘loyo‘lchi Servis МЧЖ | 2,9 |
Энг кўп солиқ тўлаган корхоналар орасида KFC Uzbekistan номи остида фаолият олиб борувчи International Foodchain МЧЖ 72,5 млрд сўм билан етакчилик қилмоқда. Иккинчи ўринни Мак Food Servis(EVOS) (50,3 млрд сўм), учинчи ўринни эса Oqtepa-Food-Сервиcе (28,6 млрд сўм) эгаллаган.
