Илон маск ўзига тегишли X ижтимоий тармоғини яна бир ўзига тегишли xAI га сотганини эълон қилди.

Маск X’даги постида бу қарор xAI’нинг илғор сунъий интеллект имкониятлари ва тажрибасини X’нинг улкан аудиторияси билан бирлаштириш орқали улкан салоҳиятни очиб беришини таъкидлади. Унга кўра, ушбу келишув xAI’ни 80 миллиард доллар, X’ни эса 33 миллиард доллар қийматида баҳолаган.

Маск 2022 йилда Twitter номи билан танилган платформани 44 миллиард долларга сотиб олган, кейинчалик унинг ходимларини қисқартирган ва компания сиёсатини ўзгартириб, уни X деб қайта номлаган эди.

Маскнинг сўзларига кўра, xAI ва X’нинг келажаги бир-бирига боғлиқ. У икки компаниянинг маълумотлар, моделлар, ҳисоблаш қуввати, тарқатиш ва истеъдодларини бирлаштириш йўлида муҳим қадам қўйилганини айтган. Унга кўра, бу қўшилиш xAI’нинг илғор сунъий интеллект технологиялари ва тажрибасини X’нинг глобал қамрови билан уйғунлаштириб, улкан имкониятларни очиб беради.

Бу ўзгариш X фойдаланувчилари учун қандай таъсир кўрсатиши ҳозирча номаълум. Шуни айтиш керакки, xAI аллақачон X фойдаланувчиларининг постларидан ўз сунъий интеллект моделларини ўқитиш учун фойдаланади, шунингдек, пуллик X фойдаланувчилари унинг сунъий интеллект чатботи Грокънинг премиум имкониятларига кириш имкониятига эга.

Аввалроқ Telegram’да Илон Маскга тегишли Grok чат-ботидан фойдаланиш имконияти пайдо бўлгани ҳақида хабар берилган эди.

Хизмат ҳозирда Telegram Premium обуначилари учун бепул тақдим этилган.

Илон Mask X ижтимоий тармоғини $33 млрдга сотди