Крипто-активларнинг умумий бозор қиймати илк бор $4 трлндан ошди. Бу ҳақда Bloomberg хабар берди.

Мазкур кўрсаткич алткоинлардаги кескин ўсиш ва АҚШда секторни тартибга солувчи қонунчилик ташаббуслари фонида юзага келди.

Copper компанияси Bitcoin нархи сезиларли ошишини кутмоқда:

“Bitcoin’нинг $150 000 га етиши энди тобора муқаррар кўринмоқда. Агар ҳозирги ҳажмдаги капитал оқими давом этса, сентябрь ойидаёқ Bitcoin $140 000 даражасини босиб ўтиши мумкин”.

Deribit маълумотларига кўра, инвесторлар август ойида $130,000 даражасидаги Bitcoin опционларига фаол тарзда гаров тикмоқда. Бу нархларнинг яқин ҳафталарда яна кўтарилиши кутилаётганидан далолат беради.

Citigroup таҳлилчиларига кўра, бугунги кунда $265 миллиардлик бу бозор 2030 йилга бориб $3.7 триллионга етиши мумкин.

Сўнгги ўсиш босқичида Bitcoin’дан кўра алткоинлар етакчилик қилмоқда. Ethereum бу ҳафта 20 фоизга ошди, Uniswap жума куни 24 фоизга кўтарилди, Solana эса 6.5 фоизгача фойда кўрсатди.

Мазкур тарихий ўсиш АҚШ президенти Доналд Трамп томонидан илгари сурилган ва яқинда имзоланган GENIUS номли крипто қонуни ортидан юз берди. “Крипто ҳафталиги” деб номланган давр мобайнида қабул қилинган ушбу қонун республикачилар томонидан қўллаб-қувватланган бўлиб, доллар билан боғланган барқарор криптовалюталарга федерал ва штат даражасида назорат ўрнатишни кўзда тутади.