UZCARD SMS хизматларини тақдим этувчи Play Mobile МЧЖ тизимдаги кирувчи хабарлар тарифларининг ўзгариши ҳақида эълон қилди.

2025 йил 1 мартдан бошлаб Beeline, Humans, Perfectum, Ucell, Mobiuz ва UzMobile операторлари абонентлари учун 5800 рақамидан юборилган ҳар бир SMS нархи эндиликда 84,2 сўм ўрнига 168,40 сўмни ташкил этади.

“SMS-трафик ҳажми 75% га ошганлиги, шунга қарамай жорий SMS-хабардорлик тарифлари 2019 йилдан бери ўзгармаганлиги, дастурий-аппарат мажмуасини хизмат кўрсатиш харажатларини сезиларли даражада оширди”, — деди компания матбуот хизмати.

Хабарда сўнгги йилларда электр энергияси нархи 100% га, базавий ҳисоблаш миқдори 68% га, алоқа операторлари томонидан СМС хизмати учун олинадиган ўртача нарх эса 300% га кўтарилгани нархлар оширилишига сабаб сифатида кўрсатилган.

Бундан ташқари, UZCARD’га тегишли CardXabar Telegram ботининг хизмат кўрсатиш нархлари ҳам ўзгармоқда. 1 мартдан бошлаб амалдаги 1 000 сўм ўрнига ўзгарувчан пакетлар амал қилишни бошлайди. Пакетлар нархи 5 минг сўмдан(250 тагача кирувчи хабарлар учун) 500 минг сўмгачани ташкил қилади.

UZCARD карталари учун SMS хизматлари 2 бараварга қимматламоқда