Google Gemini иловасига сунъий интеллект асосидаги мусиқа яратиш функциясини қўшди. Ушбу имконият Google DeepMind’нинг энг сўнгги генератив мусиқа модели — Lyria 3 асосида ишлайди ва ҳозирча бета режимида жорий этилмоқда.

Фойдаланувчилаар ғояни тасвирлаб бериш ёки фото/видео юклаш орқали 30 сониялик треклар яратиши мумкин.

Масалан, “шахсий маълумотлари даркнетда тарқаб кетган, “хавфсизлик қаерда?” деган саволига “керак бўлса сотиб олиб исботла” деган кинояли жавобни олган шахс ҳақида поп услубидаги, ижтимоий танқид руҳидаги қўшиқ” каби промпт қисқа вақт ичида тўлиқ композицияга айланади.

Трекларни қуйидаги ҳаволалар орқали эшитиш мумкин:

Гемини юкланган контентдан кенгроқ ижодий илҳом ҳам олиши, сўровга қараб матн ёки инструментал мусиқа яратиши мумкин.

Lyria 3 имкониятлари ва яратиш режимлари

Lyria 3 олдинги версияларга нисбатан учта асосий янгиликни тақдим этади:

Промпт асосида автоматик қўшиқ матни (лйриcс) яратиш
Жанр, кайфият, темпо ва вокал услуби устидан кенгроқ назорат
Янада реалистик ва мусиқий жиҳатдан мураккаб натижа

Мусиқани бир нечта усулда яратиш мумкин:

Text to track (Матндан трекка): Бунда фойдаланувчи жанр, кайфият, хотира ёки ички ҳазилни тасвирлаб бериши керак. Шундан сўнг Гемини ижод қилган ҳолда трекни яратади.

Фото ёки видео асосида трек: Тасвир ёки видеони юклаб, мавзуга мос мусиқа ва матн яратишни сўраш мумкин. Бу кўчада, уйда ва бошқа ерда туширилган суръатлар ҳам бўлиши мумкин

Ҳар бир трек Nano Banana томонидан яратилган махсус муқова расми билан тақдим этилади ҳамда уни юклаб олиш ёки тўғридан-тўғри ҳавола орқали улашиш мумкин.

Айни пайтда функциянинг бета босқичда эканини инобатга олиб, сиёсий, диний ёки бошқа нозик мавзуларда мусиқа яратишда айрим чекловлар қўлланилиши мумкин.

Шунингдек, Gemini ўзбек тилида ҳам табиий талаффуз ва сезиларли акцентсиз мусиқа яратиши эътиборга лойиқ жиҳатлардан биридир.

Gemini’да сунъий интеллект орқали мусиқа яратиш функцияси пайдо бўлди