X ижтимоий тармоғи ўзининг Grok сунъий интелект чатботини барча фойдаланувчилар учун бепул тақдим этди
Компания Grok учун алоҳида мобил илова яратишни ҳам режалаштирмоқда.
Илон Маскнинг Х (собиқ Twitter) компанияси томонидан ишлаб чиқилган Grok сунъий интеллект чатботидан фойдаланиш энди тармоқнинг барча фойдаланувчилари бепул. Ушбу ўзгаришни биринчи бўлиб жума куни бир нечта фойдаланувчилар сезишди. Эндиликда Premium обунаси бўлмаган фойдаланувчилар ҳам чатботга ҳар икки соатда 10 тагача хабар юборишлари мумкин. Бироқ расмларни таҳлил қилиш имконияти кунига уч мартагача чекланган бўлиб, кўпроқ функцияларга эга бўлиш учун X Premium обунасини сотиб олиш талаб қилинади.
Х ўтган йили Grok’ни “ҳазилкаш сунъий интеллектли ёрдамчи” сифатида тақдим этган эди. Аммо дастлаб ушбу хизмат фақат Premium обуначилар учун мавжуд эди. Август ойида сунъий инеллектга матндан расм генерацияси функцияси қўшилди, аммо бу функция баъзи ҳолатларда муаммоли тасвирлар яратганлиги учун кенг миқёсда танқидга учради.
Tech Crunch’нинг хабарига кўра, ўтган ойдан бошлаб Маскнинг компанияси Grok’нинг бепул версиясини айрим ҳудудларда синовдан ўтказишни бошлаган. Жума кунига келиб эса чат бот барча фойдаланувчиларга тақдим этилди. Бу Grok’ни Open Ai’нинг ChatGPT, Google Gemini, Microsoft Copilot ва Anthropic Claude каби аллақачон бепул бўлган чатботлар билан рақобат қилиши учун муҳим қадамдир.
Х яқинда сунъий интеллект учун $6 миллиард маблағ жалб қилди ва лойиҳанинг умумий капиталини $12 миллиардга етказди. Шунингдек, The Wall Street Journal маълумотларига кўра, Х Грок учун алоҳида мобил илова яратишни ҳам режалаштирмоқда. Бу бошқа рақобатчи чатботлар (ChatGPT, Gemini, Claude) томонидан аллақачон амалга оширилган қадамдир.
