Uzum Nasiya операторининг биринчи ярим йилликдаги соф фойдаси қарийб 130 фоизга кўпайди

Uzum Nasiya операти ҳисобланган Solution Lab АЖ 2025 йил биринчи ярим йиллиги бўйича молиявий ҳисоботини эълон қилди. Унга кўра, компания ушбу давр мобайнида 311,9 миллиард сўм миқдорида соф фойда кўришга эришган. 

Бу кўрсаткич 2024 йилнинг шу даврига нисбатан 175,9 миллиард сўмга ёки 129,4 фоизга юқори. Маълумот учун, компания ўтган йилнинг биринчи ярмида 136 миллиард сўм соф фойда кўрган эди.

Бундан ташқари, Solution Lab’нинг соф тушуми ҳам сезиларли даражада ошгани қайд этилган. 2024 йилнинг мос даврида 524 миллиард сўмни ташкил этган соф тушум, жорий йилнинг биринчи ярмида 1,4 триллион сўмга ўсиб, 1,9 триллион сўмга етган.

Шу билан бирга, компания харажатлари ҳам ошган. Ҳисоботга кўра, харажатлар 371 миллиард сўмдан 1,6 триллион сўмгача кўпайган.

Компаниянинг умумий активлари ҳам ижобий ўсишни намоён қилган. 2025 йилнинг биринчи ярми якунларига кўра, жами активлар ҳажми 186,4 миллиард сўмга ортиб, 1,2 триллион сўмга етган.

Шунингдек, Solution Lab АЖ ҳисобот даврида давлат бюджетига 5,7 миллиард сўм миқдорида даромад солиғи тўлаган.