TikTok учун кураш: энди MrBeast ҳам платформани сотиб олмоқчи
Америкалик таниқли блогер ва филантроп MrBeast (Жимми Дональдсон) TikTok платформасини АҚШда блокланиш хавфидан сақлаб қолиш учун сотиб олишни режалаштираётганини маълум қилди.
13 январь куни Х (собиқ Twitter) ижтимоий тармоғидаги саҳифасида MrBeast қуйидагича твит қолдирди:
Шунингдек, блогер кейинги постида бир нечта миллиардерларнинг унга ҳамкорлик таклиф қилганини таъкидлади:
Нега TikTok сотилиши керак?
2024 йил апрель ойида АҚШда TikTok’га нисбатан янги қонун лойиҳаси қабул қилинди. Ушбу қонунга кўра, TikTok’га эгалик қилувчи Хитой компанияси ByteDance платформани хорижий компанияга сотиши талаб қилинади. Ушбу талабларга риоя қилиш учун компанияга 9 ой муддат берилган.
Акс ҳолда, илова Америка илова дўконларидан олиб ташланади ва фойдаланувчилар унга кириш имкониятини йўқотади. Бу жараённинг сўнгги муддати 2025 йил 19 январь санасида тугайди.
TikTok қанчага сотиб олинади?
The Wall Street Journal маълумотларига кўра, 2024 йилнинг тўртинчи чорагида ByteDance дунёнинг энг қиммат хусусий компанияларидан бири бўлиб қолмоқда ва қарийб 300 миллиард долларга баҳоланган. Forbes нашри эса TikTok’нинг Америка бўлимини сотиб олиш $40-50 млрд атрофига тушишини айтиб ўтган.
Шунингдек, аввалроқ Хитой ҳукумати TikTok’нинг АҚШдаги операцияларини бошқа бир хорижий миллиардерга, масалан, Илон Маскга сотиш бўйича дастлабки музокаралар ўтказаётгани ҳақида хабарлар тарқалган эди.
