Telegram 12 йиллигига чиқарилган совғалар уч дақиқада сотилиб, $11 млн даромад келтирди
Чекланган коллекцияга кирган олтита турдаги маҳсулот орасида энг талабгир икки совға атиги 15 сонияда сотилиб кетди.
Telegram мессенжери 12 йиллик “туғилган куни” муносабати билан олтита турдаги, умумий 965 минг дона коллексион совғаларни сотувга чиқарди. Компания асосчиси Павел Дуровнинг ёзишича, маҳсулотлар сотув бошлангач атиги уч дақиқа ичида харид қилинган.
Энг кўп талабга эга бўлган икки маҳсулот — Durov’s Sunglasses ва Resistance Dog сотувга чиққанидан 15 сония ўтмай сотилиб кетди. Улар фақат Premium обуначилар учун мўлжалланган бўлиб, чекланган миқдорда ишлаб чиқарилган.
Durov’s Sunglasses — 30 минг Старс (7 миллион сўмдан ортиқ) нархда 5 минг дона ишлаб чиқарилган ва энг қиммат совға бўлди.
Resistance Dog эса 5 минг Stars (таҳминан 1,1 млн сўм) нархда сотувга қўйилиб, 20 минг дона чиқарув билан чекланган. Иккала NFT маҳсулоти ҳам сотувга қўйилгач сониялар ичида тугаган.
Telegram жами олтита турдаги совғани уч дақиқа ичида сотиш орқали $11 миллиондан ортиқ даромад олди.
Коллекциядаги бошқа совғалар орасида қумли қалъа, сёрфинг тахтаси ва пушти фламинго каби виртуал буюмлар ҳам бор эди. Уларнинг барчаси сотувга чиқарилганидан сўнг жуда қисқа вақт ичида харид қилинди.
Аввалроқ Pinkod Snoop Dogg ва Телеграм ҳамкорлигидаги NFT коллекцияси ярим соат ичида сотилиб кетгани ҳақида ёзган эди.
Павел Дуровга кўра, платформа NFT сотувидан $12 млн даромад олган.
