Павел Дуров Telegram’да қандай янги функциялар пайдо бўлишини маълум қилди
Мессенжер фойдаланувчилари хабар юборилганидан кейин унга медиа-файл қўшиш ва хабар қачон таҳрирланганини кўриш имконига эга бўлишади.
Telegram асосчиси Павел Дуров яқин келажакда мессенжерда қандай янги функциялар пайдо бўлиши ҳақида хабар берди.
“Мен Telegram жамоасини яхши кўраман. Кечагина иловаларимизни яхшилаш борасида 10та янги таклифни илгари сурдим. Бизда уларнинг нусхалари тайёр эди, энди эса мазкур функциялар амалга оширилган тўлиқ фунционал тузилмалар мавжуд”, — деб ёзди Дуров.
Бу янгиланишлар қаторида ҳадялар учун 5 та, ҳештеглар учун эса 3 та янгиланиш бор. Хусусан, ўтган ҳафта янгиланган версияда фойдаланувчилар учун ҳадялар жўнатиш функцияси пайдо бўлганди.
Шунингдек, мессенжер фойдаланувчилари хабар юборилганидан кейин унга медиа-файл қўшиш ҳамда хабар қачон таҳрирланганини кўриш имкониятига эга бўлишади.
Дуровнинг қайд этишича, барча янгиланишлар бир кунда мессенжерга қўшилади. “Telegram жамоаси кўпчилик хабар алмашиш иловалари қандай ишлашини шакллантиргани ажабланарли эмас ва бу мулоқотдаги деярли барча янгиликларга ҳисса қўшади”, деди у.
