ОКМК 9 ойда қарийб 700 млн доллар соф фойда олди
ОКМКнинг соф фойдаси 8,3 триллион сўм ёки тахминан 694 миллион долларни ташкил қилган. Бу ўтган йилнинг мос даврига нисбатан 35,1 фоизга ёки 2,16 триллион сўмга кўпроқдир.
Олмалиқ кон-металлургия комбинати (ОКМК) 2025 йил январь-сентябрь ойларига оид молиявий ҳисоботини эълон қилди. Ҳисоботга кўра, компания соф фойдасида сезиларли ўсиш қайд этилган.
2025 йилнинг 9 ойида ОКМКнинг маҳсулот ишлаб чиқариш даромадлари 34,8 триллион сўмни ташкил қилиб, ўтган йилнинг шу даврига нисбатан 27,7%га ошган. Маҳсулот реализацияси учун кетган харажатлар 14,9 триллион сўмни ташкил қилган. Компания тўлаган солиқлар эса икки баробар ошиб, 6,3 триллион сўмни ташкил этди.
Барча харажатлар ва солиқлар ҳисобга олгач, ОКМКнинг соф фойдаси 8,3 триллион сўм ёки тахминан 694 миллион долларни ташкил қилган. Бу ўтган йилнинг мос даврига нисбатан 35,1%га ёки 2,16 триллион сўмга кўпроқдир.
Аввалроқ Pinkod Ўзбекистондаги икки йирик кон 2024 йилда энг кўп олтин ишлаб чиқарган конлар рўйхатига киргани ҳақида ёзган эди. Mining.com ҳисобларига кўра, Мурунтов конида 2024 йил давомида қарийб 2,7 миллион унция олтин қазиб олиниб, иккинчи ўринни эгаллаган, Олмалиқ кони эса бешинчи ўринда қайд этилган.
