Музроб Мамараимов Open Bank бошқарув раиси ўринбосари этиб тайинланди
Open Bank АЖ 19 мартдаги қарорига кўра, Музроб Мамараимов банк бошқаруви раиси ўринбосари – бошқарув аъзоси лавозимига тайинланди. Бунга қадар у банкнинг чакана банк хизматлари бўлими бошлиғи сифатида фаолият юритган
Open Bank АЖ Кузатув кенгашининг 19 март куни бўлиб ўтган йиғилиши қарорига мувофиқ банк раҳбариятида ўзгариш юз берди.
Унга кўра, Музроб Зухриддинович Мамараимов “Open Банк” АЖ Бошқаруви раиси ўринбосари – Бошқарув аъзоси лавозимига 3 йил муддатга сайланди.
Қайд этилишича, у лавозимига Ўзбекистон Республикаси Марказий банки билан расман келишилгандан сўнг киришади.
Музроб Мамараимов бунга қадар банкнинг чакана банк хизматлари бўлими бошлиғи сифатида фаолият юритган. Аввалроқ эса у 2019–2020 йилларда Агробанк тизимида турли лавозимларда, жумладан раис ёрдамчиси ҳамда чакана банк иши бўйича мутахассис сифатида ишлаган.
Маълумот учун, Smart Bank 2025 йилда ўз номини Open Bank деб ўзгартирган.
