Apple 599 долларлик iPhone 17e моделини тақдим этди
Янги модель А19 чипи, 48 MP камера ва Apple ишлаб чиққан C1X 5G модеми билан жиҳозланган. Қурилманинг бошланғич нархи 599 долларни ташкил қилиб, 256 GB хотира ва уч хил рангда тақдим этилган.
Apple 2 март куни iPhone 17e моделини расман тақдим этди. Бу қурилма iPhone 17 линиясининг кучли, аммо нисбатан арзон варианти сифатида тақдим этилди. Моделнинг бошланғич нархи 599 долларни ташкил қилади ва у Апплеънинг ўзида ишлаб чиқилган биринчи 5G модеми каби муҳим аппарат янгиланишларини ўз ичига олади.
Асосий хусусиятлар ва техник кўрсаткичлар
Қурилма стандарт iPhone 17 билан бир хил бўлган А19 чипи билан ишлайди. Унда 6 ядроли CPU ва 4 ядроли GPU мавжуд бўлиб, аппарат даражасида ray tracing технологиясини қўллаб-қувватлайди.
iPhone 17e Apple томонидан ишлаб чиқилган янги C1X модем билан тақдим этилди. У аввалги бошланғич моделларга қараганда 2 баравар тезроқ ва 30% энергия тежамкорроқ.
Смартфон 6,1 дюймли Super Retina XDR OLED дисплей билан жиҳозланган. Экраннинг максимал HDR ёрқинлиги 1200 нитни ташкил қилади ва у Ceramic Shield 2 ҳимоя қатлами билан қопланган бўлиб, чизилишга қарши уч баравар мустаҳкамроқ ҳисобланади. Бироқ дисплей 60 Hz янгиланиш частотаси билан чекланган ва always-он дисплай функцияси мавжуд эмас.
Камера тизимига 48 мегапикселли Fusion камера киради. У оптик сифатдаги 2 карра телефото имкониятини тақдим этади, 4 Долбй Vision форматида видео ёзишни қўллаб-қувватлайди ҳамда янги авлод портрет режимига эга.
Шунингдек, iPhone 17еъда илк бор MagSafe технологияси қўлланган. Бу 15 Вт гача тез симсиз зарядлаш ва турли аксессуарлар билан ишлаш имконини беради. Қурилма aerospace-граде алюминий корпус, IP68 даражасидаги сув ва чангдан ҳимоя ҳамда мослаштириладиган Action Button билан тақдим этилган.
Сотув ва нарх
iPhone 17e учун олдиндан буюртмалар 2026 йил 4 март кунидан бошланади, умумий сотув эса 11 мартдан йўлга қўйилади.
Қурилманинг бошланғич нархи АҚШда 599 доллар, Буюк Британияда 599 фунтни ташкил қилади. Асосий модель 256 GB хотира билан таклиф этилади, бу эса аввалги авлодга нисбатан икки баравар кўп. Смартфон уч хил мат рангда — қора, оқ ва янги Soft Pink рангида тақдим этилади.
Шунингдек, Apple шу тақдимотда М4 чипи ва 12 ГБ оператив хотирага эга янги iPad Air моделини ҳам эълон қилди.
