Apple 4 март куни арзон нархдаги MacBook’ни тақдим этади
Apple 4 март куни бюджет сегментига мўлжалланган янги MacBook моделини тақдим этиши кутилмоқда. Қурилма А18 Pro чипи билан жиҳозланган бўлиб, кундалик вазифалар учун етарли унумдорликни таклиф этади. Нархлар $599–$750 атрофида бўлиши кутилмоқда.
Apple эндиликда бозор стратегиясига бюджет моделлари киритмоқда.
Катта эҳтимол билан, компания 2026 йил 4 мартда янги, арзон нархли Macbook’ни тақдим этади. Бу ноутбук сўнгги йиллардаги энг қулай нархли Apple қурилмаси бўлиб, Chromebook’лар билан рақобатлашишга мўлжалланган.
Янги MacBook фойдаланувчиларга Apple экотизимига кириш учун қулай вариант таклиф қилади. Мавжуд MacBook Air ва Pro линияларига нисбатан харажатларни тежаш учун Apple бир қатор ўзгартиришлар киритилган. Қурилма Phone 16 Pro моделларида ишлатилган A18 Pro чипи билан келади. Macworld маълумотларига кўра, A18 Pro’нинг ягона ядро ишлаш тезлиги М3 чипига яқин бўлиб, интернетда сайр қилиш, ҳужжатларни таҳрирлаш ва енгил фотосурат ишлаш каби кундалик вазифалар учун етарли.
Янги Macbook нархи аниқ 1000 доллардан арзон бўлади. Миш-мишларга кўра, тахминий нарх $599–$750 оралиғида бўлади. Ҳозир Апплеънинг энг арзон МаcБоокъи MacBook Air М4 бўлиб, унинг бошланғич нархи 999 долларни ташкил қилади.
Қурилманинг корпуси премиум алюминийдан ишлаб чиқарилади, аммо янги, харажатларни камайтирадиган технология қўлланади. Ранглар политрасида Apple ёш фойдаланувчиларни қамраб олиш учун ёрқин ранглардан фойдаланади. Булар қаторида сариқ, оч яшил, кўк, пушти, кумуш ва кулранг мавжуд.
Macbook экранининг ўлчами 13 дюймдан бироз кичик, тахминан 12,9 дюйм бўлиши кутилмоқда.
Қурилмада камида 8GB RAM ва 256 сақлаш ҳажми бўлади. Харажатларни камайтириш мақсадида ноутбук портлар сони чекланган бўлиб, эҳтимол битта USB-C порт билан чегараланади ва Тҳундерболт қўллаб-қувватланмайди (фақат 10Гб/с USB тезлиги). Бу эса фақат битта ташқи дисплейни қўллаб-қувватлашини англатади.
