Amazon TikTok’ни сотиб олмоқчи — New York Times
Бу ҳодиса АҚШ ҳукумати томонидан TikTok’ни сотиш учун белгиланган 5 апрель муддати арафасида содир бўлди.
Amazon TikTok’ни сотиб олиш учун сўнгги дақиқаларда таклиф берди, дея хабар бермоқда NY Times.
Бу ҳодиса АҚШ ҳукумати томонидан белгиланган 5 апрель муддати арафасида содир бўлди. Ушбу муддатга кўра, TikTok’нинг ота компанияси ByteDance АҚШдаги фаолиятини сотиши ёки миллий хавфсизлик сабабли бутун мамлакат бўйлаб блокланиш хавфи остида қолиши керак.
Хабарларга кўра, Amazon’нинг таклифи АҚШ витсе-президенти ЖД Ванc ва Савдо котиби Говард Лютникъга йўлланган хат орқали билдирилган. Бироқ, музокараларда иштирок этаётган айрим расмийлар Amazon’нинг таклифини жиддий вариант сифатида кўрмаётгани ҳақида хабар берилган.
Амазонънинг TikTok’га бўлган қизиқиши компаниянинг электрон тижорат имкониятларини кенгайтириш истаги билан боғлиқ бўлиши мумкин. TikTok маҳсулотларни кашф этиш ва харид қилиш учун муҳим платформага айланган бўлиб, TikTok Shop каби функциялар эса бевосита харидларни амалга ошириш имконини беради. Amazon TikTok’ни сотиб олган тақдирда, ёшроқ истеъмолчиларни жалб қилиш ва ижтимоий савдони ўз экотизимига интеграция қилиш имкониятига эга бўлади.
Бу жараённинг асоси 2024 йилда қабул қилинган АҚШ қонунига бориб тақалади. Ушбу қонунга кўра, ByteDance TikTok’нинг АҚШдаги фаолиятини сотиши шарт, чунки у маълумотлар махфийлиги ва миллий хавфсизлик билан боғлиқ муаммоларни келтириб чиқариши мумкин.
АҚШ президенти Доналд Трамп илгари ушбу муддатни 2025 йил 5 апрелгача узайтирган ва TikTok’нинг АҚШда фаолият юритишда давом этишини маъқул кўраётганини билдирган.
Аввалроқ, TikTok иловасининг эгаси бўлган ByteDance компанияси асосчиси, 41 ёшли Чжан Имин Хитойнинг энг бой одами сифатида тан олинган эди. Чжан ҳозирда Осиёда учинчи энг бой инсон бўлиб, фақат ҳиндистонлик Мукеш Амбани ва Гаутам Адани ундан олдинда турибди.
