2024 йил Ўзбекистонда ўртача ойлик иш ҳақи қанча бўлди?
Шифокор ва ўқитувчилар ойлиги ҳали ҳам соҳалар бўйича энг ками бўлиб қолмоқда.
Давлат Статистика қўмитаси маълумотларига кўра, 2024 йил январь-декабрь ойларида Ўзбекистонда ўртача ойлик иш ҳақи 5 357 200 минг сўмни ташкил этди. Бунда айрим ҳудудлар ва тармоқлар ўртасида катта тафовутлар кузатилди.
| Ҳудуд | Ўртача иш ҳақи (минг сўм) | Ўсиш (%) |
| Тошкент шаҳри | 9 072 400 | +21,4 |
| Навоий вилояти | 6 766 100 | +15,0 |
| Тошкент вилояти | 5 097 900 | +12,3 |
| Андижон вилояти | 4 616 100 | +14,9 |
| Бухоро вилояти | 4 343 900 | +12,0 |
| Қорақалпоғистон Республикаcи | 4 317 300 | +14,1 |
| Хоразм вилояти | 4 263 700 | +13,2 |
| Сирдарё вилояти | 4 235 100 | +16,7 |
| Самарқанд вилояти | 4 022 300 | +17,6 |
| Жиззах вилояти | 3 976 200 | +14,5 |
| Фарғона вилояти | 3 965 600 | +15,1 |
| Наманган вилояти | 3 869 200 | +16,5 |
| Сурхондарё вилояти | 3 810 300 | +12,4 |
| Қашқадарё вилояти | 3 785 700 | +12,2 |
Ўзбекистонда 2024 йилнинг январь-декабрь ойларида ўртача иш ҳақи ҳудудлар бўйича сезиларли фарқларга эга бўлди. Тошкент шаҳри 9 072 400 сўм билан энг юқори кўрсаткични қайд этди, бу ўтган йилга нисбатан 21,4% ўсишни англатади. Навоий вилояти 6 766 100 сўм билан иккинчи ўринда туриб, ўсиш 15%ни ташкил этди. Тошкент вилояти эса 5 097 900 сўм кўрсаткич билан учинчи ўринни эгаллади (+12,3%).
Бошқа ҳудудлардан Андижон (4 616 100 сўм, +14,9%), Бухоро (4 343 900 минг сўм, +12,0%) ва Қорақалпоғистон Республикаси (4 317 300 минг сўм, +14,1%) кўрсаткичлари нисбатан юқори бўлса-да, республика ўртача даражасидан пастроқдир.
Энг паст ўртача иш ҳақи Сурхондарё вилоятида (3 810 300 минг сўм, +12,4%) ва Қашқадарё вилоятида (3 785 700 минг сўм, +12,2%) қайд этилди.
Фаолият турлари бўйича
Иқтисодий фаолият турлари бўйича иш ҳақи кўрсаткичлари ҳам жиддий тафовутларни намоён этди. Банк, суғурта ва воситачилик фаолияти соҳасида энг юқори ўртача иш ҳақи – 15 263 700 сўм қайд этилди. Ахборот ва алоқа соҳаси 13 157 400 сўмлик даромад билан иккинчи ўринни эгаллади, ундан кейин ташиш ва сақлаш соҳасида ўртача иш ҳақи 8 113 300 сўмни ташкил қилди.
Шу билан бирга, таълим соҳаси 3 637 000 минг сўмлик, соғлиқни сақлаш ва ижтимоий хизматлар соҳаси эса 3 411 000 минг сўмлик кўрсаткич билан энг паст даромадли тармоқлар қаторидан жой олди.
