Apple’ning iPhone 16e va Samsung’ning Galaxy S24 FE modellari — bu nisbatan arzonroq narxda flagman darajasiga yaqin imkoniyatlarni taklif qiluvchi qurilmalardir.

599 dollarlik iPhone 16e – 799 dollarlik iPhone 16’ning soddalashtirilgan, kirish darajasidagi talqini boʻlsa, 650 dollarlik Galaxy S24 FE — Galaxy S24 va kelasi avlod Galaxy S25 modellari uchun byudjetga mos alternativ hisoblanadi. Har ikkala telefon ham yuqori darajadagi funksiyalarni nisbatan arzon narxda taklif qilishni maqsad qilgan. Ushbu ikki model bir nechta asosiy jihatlar boʻyicha taqqoslab chiqildi.

Dizayn

Dizayn borasida bu ikki telefon orasida sezilarli farq bor. iPhone 16e ekranining yuqori qismida anʼanaviy tirqish (notch) mavjud boʻlib, foydalanuvchilar orasida mashhur boʻlgan Dynamic Island funksiyasi bu modelda yoʻq. Galaxy S24 FE esa zamonaviyroq dizaynga ega — old kamera uchun faqat kichik doira shaklidagi kamera teshigi mavjud. Har ikki telefon ham alyuminiy rom va Gorilla Glass himoya oynasi bilan mustahkamlangan.

Displey texnologiyasi boʻyicha Galaxy S24 FE ustunlik qiladi. iPhone 16e 6.1 dyuymli OLED ekran bilan jihozlangan boʻlib, 60Hz yangilanish tezligi va 1200 nitgacha maksimal yorqinlikka ega. Galaxy S24 FE esa ancha katta — 6.7 dyuymli ekran, 120Hz yangilanish tezligi va 1900 nitgacha yorqinlik bilan jihozlangan. Bu uni Galaxy S24 Plus bilan taqqoslashga arzigulik qiladi.

iPhone 16e vs iPhone 16: Which is Better for the Modern Smartphone ... — Chap tarafda Iphone16e va oʻng tarafda Iphone 16

Qimmatroq boʻlgan iPhone 16 singari, iPhone 16e ham Face ID funksiyasiga ega boʻlib, foydalanuvchi telefonning ekraniga qarash orqali uni qulfdan chiqaradi. Galaxy S24 FE esa telefonni qulfdan chiqarish uchun optik barmoq izini aniqlovchi datchikdan foydalanadi. Bu datchik Galaxy S24ʼdagiga qaraganda biroz sekinroq ishlaydi, ammo funksional jihatdan bir xil.

Ranglar borasida, iPhone 16e faqat qora va oq ranglarda mavjud. Galaxy S24 FE esa koʻk, yalpiz (mint), kulrang va grafit ranglarda taqdim etiladi.

Kamera

Kamera borasida Galaxy S24 FE aniq ustunlikka ega. Unda uchta orqa kamera mavjud: 50 MP asosiy sensor, 12 MP ultra keng burchakli kamera va 3x optik zum imkonini beruvchi 8 MP telefoto kamera. Bu kombinatsiya suratga olishda koʻproq erkinlik va sifatli kadrlar taqdim etadi.

Samsung Galaxy S24 FE Review: Key Features, Specs, and Price

iPhone 16e esa faqat bitta 48 MP orqa kamera bilan cheklangan. Biroq Apple bu kamchilikni sensor crop texnologiyasi orqali qoplaydi — 2x raqamli yaqinlashtirishda ham sifatni saqlab qoladi.

Har ikkala telefon ham kuchli protsessorlari yordamida past yorugʻlikda yaxshi natijalar beruvchi “night mode”, hamda fon xiralashtirish imkonini beruvchi “portret rejimi”ni qoʻllab-quvvatlaydi.

Old kamera jihatidan iPhone 16e 12 MP kamera bilan jihozlangan boʻlib, bu iPhone 16’dagi modul bilan bir xil. Galaxy S24 FE esa 10 MP old kameraga ega — bu biroz pastroq boʻlsa-da, hanuz yuqori sifatda selfilar olish imkonini beradi.

AI imkoniyatlari

iPhone 16e ilgari faqat yuqori darajadagi modellarda mavjud boʻlgan Apple Intelligence texnologiyasini qoʻllab-quvvatlaydi. Bu tizim hozircha toʻliq joriy qilinmagan boʻlsa-da, Clean Up (suratlardan obʼektlarni olib tashlash), matn tahrirlash, xulosa chiqarish kabi foydali funksiyalar allaqachon ishga tushirilgan. Tez orada yangilangan aqlli Siri ham taqdim etilishi kutilmoqda.

Acheter la Galaxy S24 FE | Prix & Offres | Samsung Belgique

Galaxy S24 FE esa Galaxy AI tizimiga ega. Bu texnologiya ijodiy imkoniyatlarga boy boʻlib, oddiy eskizlarni realistik rasmga aylantirish, suratlarning chegarasini kengaytirish, matnli xabarlarni avtomatik tarjima qilish, ovozli yozuvlarni matnga aylantirish va matn yozishda yordam beruvchi vositalarni oʻz ichiga oladi.

Narx va mavjudlik

iPhone 16e 128GB versiyasi uchun 599 dollardan boshlanadi, lekin mahalliy bozorlar, masalan, Toshkentdagi doʻkonlarda uning narxi 650 dollargacha, yaʼni taxminan 8,4 million soʻmgacha yetadi. Galaxy S24 FE esa rasmiy saytda 128GB modeli bilan 650 dollar turadi. Biroq, Malika bozori kabi joylarda uni 530–550 dollar (6,8–7,1 mln soʻm) atrofida topish mumkin.

Qaysi birini sotib olish kerak?

iPhone 16e — barqaror ishlash, iOS ekotizimi va yuqori xavfsizlikka ega foydalanuvchi tajribasini afzal koʻruvchilar uchun mos tanlovdir. Uning kameralari oddiyroq boʻlsa-da, Apple’ning optimallashtirilgan dasturiy taʼminoti va sunʼiy intellekt imkoniyatlari bu kamchilikni qoplaydi. Apple uzoq muddatli yangilanishlar va xavfsizlik taʼminoti bilan mashhur — bu esa telefonni yillar davomida yangilab turishni istagan foydalanuvchilar uchun katta ustunlikdir.

Boshqa tomondan, Galaxy S24 FE — ayniqsa displey sifati, koʻp funksiyali kameralar va kengroq AI imkoniyatlarini izlayotganlar uchun juda jozibador tanlov boʻla oladi. Yangi Galaxy modellari ham endi 7 yilgacha yangilanish olishini vaʼda qilmoqda. Shu bilan birga, mahalliy bozorda qulay narxlarda topish imkoniyati uni yanada raqobatbardosh qiladi.

Agar sotib olmoqchi boʻlgan shaxs Android’ga oʻrgangan yoki yangilangan funksiyalarga boy telefonni biroz arzonroqqa olishni istasa — Galaxy S24 FE ajoyib tanlov. Ammo foydalanuvchi uchun tizimning soddaligi, xavfsizlik va uzoq muddatli iOS qoʻllab-quvvatlovi muhim boʻlsa — iPhone 16e yaxshiroq tanlov boʻladi.

Yangi iPhone 17e haqida: Dynamic Island, A19 chip va oʻzgarmagan 60 Hz displey

Iphone 16e yoki S24 FE: qaysi birini xarid qilish kerak?

Tramp boj tariflari tufayli iPhone’lar narxi $2 000 dan yuqoriga koʻtarilishi mumkin — NY POST

Apple byudjet sinfidagi iPhone 16e modelini taqdim qildi