Xasan Raxmatov Asia Alliance Bank kuzatuv kengashi raisi etib saylandi
Iqtisod fanlari doktori Raxmatov Xasan Utkirovich bunga qadar “Poytaxt bank” AJ boshqaruvi raisi lavozimida faoliyat yuritib kelayotgan edi.
Raxmatov Xasan Utkirovich 1985 yil 13 sentabrda Samarqand viloyatida ziyoli oilada tugʻilgan. 2006 yil Toshkent moliya institutining bakalavr bosqichini, 2008 yil ushbu institutning magistratura bosqichini tamomlagan. 2011 yilda “Iqtisod fanlari nomzodi”, 2020 yilda “Iqtisod fanlari doktori” ilmiy darajalarini olgan.
U mehnat faoliyati davomida 2008-2013 yillarda AT “Aloqabank”da, 2013-2016 yillarda Oʻzbekiston Respublikasi Markaziy bankida turli lavozimlarda, xususan, rahbarlik lavozimlarida ishlagan.
Shuningdek, X.Raxmatov 2016 yildan 2024 yilgacha AT “Aloqabank” boshqaruv raisi oʻrinbosari lavozimida faoliyat yuritgan. 2024 yil 24 yanvardan buyon “Poytaxt bank” AJ boshqaruv raisi sifatida ishlab kelayotgandi.
X.Raxmatovning bilimi, sohadagi koʻp yillik tajribasi va ishbilarmonligi natijasida “Poytaxt bank” jamoasi qisqa vaqt ichida bir qator yutuqlarga erishib, yangi xizmatlarni yoʻlga qoʻyishga hamda xususiylashtirish jarayonini muvaffaqiyatli yakunlashga erishdi.
