UzNIF IPO’si hajmi qoʻshimcha joylashtirish hisobiga $691,5 mlnga yetdi
UzNIF IPO’sining yagona global koordinatori Jefferies International Limited qoʻshimcha joylashtirish opsioni — greenshoe option toʻliq amalga oshirilganini maʼlum qildi. Opsion doirasida Iqtisodiyot va moliya vazirligi taqdim etgan 3,51 mln dona GDR har biri $25 dan joylashtirildi. Natijada IPO’ning umumiy hajmi $691,5 mlnga, erkin muomaladagi aksiyalar ulushi esa 35 foizga yetdi.
Oʻzbekiston Milliy investitsiya jamgʻarmasining (UzNIF) IPO jarayonida yagona global koordinator sifatida ishtirok etgan Jefferies International Limited qoʻshimcha joylashtirish opsioni — greenshoe option toʻliq amalga oshirilganini maʼlum qildi.
Mazkur opsion doirasida Oʻzbekiston Iqtisodiyot va moliya vazirligi tomonidan taqdim etilgan qoʻshimcha 3,51 mln dona global depozitar tilxat — GDR joylashtirildi.
GDR’lar har biri $25 dan sotib olindi. Bu narx IPO doirasida belgilangan boshlangʻich joylashtirish narxiga teng. Bitimning umumiy qiymati qariyb $87,9 mlnni tashkil etdi. Opsion boʻyicha hisob-kitoblar 22 may kuni yakunlanishi kutilmoqda.
Natijada UzNIF IPO’sining umumiy hajmi $603,6 mln dan $691,5 mln ga yetdi. Fond aksiyalarining erkin muomaladagi ulushi esa 31 foizdan 35 foizgacha oshdi.
UzNIF portfelidagi kompaniyalar:
