“Tadbirkorlikni rivojlantirish kompaniyasi” AJ InfinBank aksiyadoriga aylandi
Oʻzbekistondagi xususiy tijorat banklaridan biri hisoblangan Invest Finance Bank (InfinBank) AJning 15% aksiyalarini “Tadbirkorlikni rivojlantirish kompaniyasi” sotib oldi.
Korporativ axborot yagona portalidan maʼlum boʻlishicha, “Tadbirkorlikni rivojlantirish kompaniyasi” AJ Invest Finance Bank (InfinBank) AJning 15% aksiyalarini sotib olgan.
Shuningdek, InfinBank rasmiy veb-saytidagi aksiyadorlar tuzilmasida ham “Tadbirkorlikni rivojlantirish kompaniyasi” AJ bank aksiyadori sifatida koʻrsatilgan.
Shunday qilib, bugungi kunda InfinBank AJning aksiyadorlari quyidagilarni tashkil etmoqda:
- Mamatdjanov Farxod Faxritdinovich
- Abdusamadov Parviz Maxsudovich
- “Tadbirkorlikni rivojlantirish kompaniyasi” AJ
- “Azia Trans Terminal” MChJ
- “Prestij Rielt” MChJ QK
Maʼlumot uchun, 2023 yil 10 noyabrdagi “Kichik va oʻrta biznesni moliyaviy qoʻllab-quvvatlash tizimini takomillashtirish chora-tadbirlari toʻgʻrisida” Prezident farmoni bilan Tadbirkorlik faoliyatini qoʻllab-quvvatlash davlat jamgʻarmasi “Tadbirkorlikni rivojlantirish kompaniyasi” sifatida qayta tashkil etilgan. Kompaniyaning taʼsischisi Iqtisodiyot va moliya vazirligi hisoblanadi.
