Sugʻurta kompaniyalari toʻqqiz oyda qancha sof foyda oldi?
Oʻzbekistondagi sugʻurta kompaniyalarining 2026 yilning 9 oyidagi sof foydasi jami sof foydasi 788,9 mlrd soʻmga yetib, bir yilda 54,8 foizga oshdi.
APEX Insurance va Euroasia Insurance birgalikda sektor umumiy natijasining 44,5 foizini taʼminladi.
Ayni paytda, toʻrtta kompaniya toʻqqiz oyni jami 14,6 mlrd soʻm zarar bilan yakunladi.
Pinkod moliyaviy hisobotlar asosida sugʻurta kompaniyalarining moliyaviy natijalarini oʻrganib chiqdi.
Pinkod moliyaviy hisobotlar asosida sugʻurta kompaniyalarining 2026 yil toʻqqiz oyidagi sof natijalarini oʻrganib chiqdi.
Hisobot taqdim etgan 37 ta tashkilotning 33 tasi jami 803,5 mlrd soʻm sof foyda oldi. Zarar bilan ishlagan toʻrtta kompaniyaning umumiy salbiy natijasi 14,6 mlrd soʻmni tashkil etdi. Natijada sektorning jami sof foydasi oʻtgan yilning mos davridagi 509,8 mlrd soʻmdan 788,9 mlrd soʻmga yetdi.
Bozordagi foydaning katta qismi yirik kompaniyalar hissasiga toʻgʻri kelmoqda. APEX Insurance va Euroasia Insurance birgalikda 351,4 mlrd soʻm foyda olgan. Biroq ularning jami natijadagi ulushi birinchi yarim yillikdagi 51,2 foizdan 44,5 foizga tushgan.
25 mlrd soʻmdan koʻp foyda olganlar
| Kompaniya | Sof foyda | Yillik oʻzgarish |
|---|---|---|
| APEX Insurance | 208,8 mlrd soʻm | +2,6% |
| Euroasia Insurance | 142,6 mlrd soʻm | +280,3% |
| “Oʻzbekinvest” | 57,4 mlrd soʻm | +26,8% |
| TBC Sug‘urta | 42 mlrd soʻm | +203,2% |
| Mosaic Insurance Group | 38,9 mlrd soʻm | +39,4% |
| Gross sugʻurta | 33,3 mlrd soʻm | +376,5% |
| “Kafolat sugʻurta” | 28,8 mlrd soʻm | +90,9% |
| “Imkon-Sugʻurta” | 26,1 mlrd soʻm | +328,9% |
Ushbu sakkizta kompaniya toʻqqiz oyda jami 577,9 mlrd soʻm sof foyda olgan. Bu sektorning umumiy sof natijasining 73,3 foiziga teng.
APEX Insurance bozordagi yetakchilikni saqlab qoldi. Kompaniyaning 208,8 mlrd soʻmlik foydasi sektor jami sof natijasining 26,5 foizini tashkil etdi. Biroq yillik oʻsish 2,6 foiz boʻlib, ushbu guruhdagi eng past koʻrsatkich qayd etildi.
Eng katta mutlaq oʻsish Euroasia Insurance’da kuzatildi. Kompaniya sof foydasini 105,1 mlrd soʻmga oshirib, 142,6 mlrd soʻmga yetkazgan.
TBC Sug‘urta foydasini 13,8 mlrd soʻmdan 42 mlrd soʻmga yetkazib, Mosaic Insurance Group’ni ortda qoldirdi va toʻqqiz oy yakuni boʻyicha toʻrtinchi oʻringa koʻtarildi.
10 mlrddan 25 mlrd soʻmgacha foyda olganlar
| Kompaniya | Sof foyda | Yillik oʻzgarish |
|---|---|---|
| “Xalq Sugʻurta” | 24,4 mlrd soʻm | +240,6% |
| “Temiryoʻl-Sugʻurta” | 22,9 mlrd soʻm | +557,8% |
| “Kafil-Sugʻurta” | 22,7 mlrd soʻm | +50,9% |
| Infinity Insurance | 21,4 mlrd soʻm | +426,3% |
| Quantum Insurance | 20,2 mlrd soʻm | +247,6% |
| “Hamkor Sugʻurta” | 18,5 mlrd soʻm | −1,5% |
| SQB Insurance | 18,4 mlrd soʻm | +6,6% |
| Neo Insurance | 14 mlrd soʻm | +1 432,4% |
| Aria Sug‘urta | 10,5 mlrd soʻm | +184,2% |
| Oʻzbekiston qayta sugʻurta kompaniyasi | 10,1 mlrd soʻm | +2 204,5% |
Mutlaq hisobda “Temiryoʻl-Sugʻurta” foydasini 19,4 mlrd soʻmga, Infinity Insurance 17,3 mlrd soʻmga, “Xalq Sugʻurta” esa 17,2 mlrd soʻmga oshirgan.
Ayni paytda, “Hamkor Sugʻurta”ning sof foydasi 18,8 mlrd soʻmdan 18,5 mlrd soʻmga kamaygan. SQB Insurance’da esa foyda 6,6 foizga oʻsib, 18,4 mlrd soʻmga yetgan.
1 mlrddan 10 mlrd soʻmgacha foyda olganlar
| Kompaniya | Sof foyda | Yillik oʻzgarish |
|---|---|---|
| My Insurance | 8,8 mlrd soʻm | −64,1% |
| Alfa Invest | 5,9 mlrd soʻm | −78,2% |
| Semurg Insurance | 5,3 mlrd soʻm | +5 939,3% |
| O‘zbekinvest Hayot | 3,7 mlrd soʻm | +57,9% |
| “Oʻzagrosugʻurta” | 3,7 mlrd soʻm | −81,8% |
| Apex Life Insurance | 3,2 mlrd soʻm | +2 049,6% |
| “Kapital Sugʻurta” | 3,1 mlrd soʻm | zarardan foydaga |
| Kafolat Hayot Insurance | 3,1 mlrd soʻm | +278% |
| INSON | 2,4 mlrd soʻm | +18% |
| Impex-Insurance | 1,1 mlrd soʻm | −78,8% |
Ushbu guruhda Semurg Insurance eng katta nisbiy oʻsishni qayd etdi. Kompaniya foydasini 87,3 mln soʻmdan 5,3 mlrd soʻmga yetkazgan. Apex Life Insurance natijasi esa 147,1 mln soʻmdan 3,2 mlrd soʻmga oshgan.
Ayni paytda, My Insurance foydasi 24,6 mlrd soʻmdan 8,8 mlrd soʻmga, Alfa Invest’niki 26,9 mlrd soʻmdan 5,9 mlrd soʻmga kamaygan. “Oʻzagrosugʻurta”da ham sof foyda 20,2 mlrd soʻmdan 3,7 mlrd soʻmga tushgan.
“Kapital Sugʻurta” oʻtgan yilning toʻqqiz oyidagi 1,5 mlrd soʻmlik zararni joriy yilda 3,1 mlrd soʻmlik foydaga aylantirgan.
1 mlrd soʻmdan kam foyda olganlar
| Kompaniya | Sof foyda | Yillik oʻzgarish |
|---|---|---|
| Alfa Life Insurance | 949,7 mln soʻm | −42% |
| IShONCh sugʻurta | 900 mln soʻm | −1,3% |
| Alskom Sug‘urta | 209,6 mln soʻm | −98,5% |
| Trust Insurance | 183,8 mln soʻm | zarardan foydaga |
| Agros Hayot | 65,4 mln soʻm | −52,9% |
Alskom Sug‘urta foydasi 14 mlrd soʻmdan 209,6 mln soʻmgacha qisqargan. Shunga qaramay, kompaniya birinchi yarim yillikdagi 2,2 mlrd soʻmlik zarardan toʻqqiz oy yakunida foydaga chiqdi.
Trust Insurance ham oʻtgan yilning mos davridagi 766,2 mln soʻmlik zarar oʻrniga 183,8 mln soʻm sof foyda qayd etgan.
Zarar bilan yakunlaganlar
| Kompaniya | Sof natija | Oʻzgarish |
|---|---|---|
| Prestige Insurance | −10,2 mlrd soʻm | zarar yuzaga kelgan |
| Asia Insurance | −3,9 mlrd soʻm | zarar 79,9% kamaygan |
| “Farovon Sugʻurta” | −454,6 mln soʻm | zarar 8,5% oshgan |
| Euroasia Life Insurance | −83,4 mln soʻm | zarar 71,9% kamaygan |
Eng katta zarar Prestige Insurance’da qayd etildi. Kompaniyaning zarari birinchi yarim yillikdagi 5,6 mlrd soʻmdan toʻqqiz oy yakunida 10,2 mlrd soʻmga yetgan. Demak, faqat uchinchi chorakning oʻzida yana 4,6 mlrd soʻm salbiy natija shakllangan.
Asia Insurance oʻtgan yilgi 19,3 mlrd soʻmlik zararni 3,9 mlrd soʻmgacha qisqartirgan. Biroq kompaniya 2026 yil birinchi yarim yilligini 49,7 mln soʻm foyda bilan yakunlaganidan keyin uchinchi chorakda yana zararga oʻtdi.
“Farovon Sugʻurta”da ham shunday oʻzgarish kuzatildi. Kompaniya birinchi yarim yillikda 225,1 mln soʻm foyda olgan boʻlsa, toʻqqiz oy yakunida 454,6 mln soʻm zarar qayd etgan.
Izoh: yillik oʻzgarishlar kompaniyalarning 2026 yilgi hisobotlarida qayta koʻrsatilgan 2025 yilning mos davri raqamlari asosida hisoblandi.
