Poytaxt bank ham ipoteka kreditlari ajratishni boshlaydi

30 sentabr kuni Iqtisodiyot va moliya vazirligi hamda Poytaxt bank oʻrtasida hamkorlik memorandumi imzolandi. Unga koʻra, endilikda Poytaxt bank tomonidan ham Oʻzbekiston Respublikasi fuqarolariga ipoteka kreditlari ajratish yoʻlga qoʻyiladi.

Shuningdek, tomonlar aholining turmush darajasini izchil oshirish, ipoteka krediti mexanizmlaridan foydalanish amaliyotini yanada takomillashtirish va kengaytirish hamda ipoteka bozorini resurslar bilan taʼminlash maqsadida Iqtisodiyot va moliya vazirligi tomonidan davlat byudjetidan mablagʻ jalb qilish toʻgʻrisida kelishib oldilar.