Oʻzbekiston yoki Qozogʻiston: qayerdagi banklar koʻproq foyda koʻradi?

Oʻzbekiston va Qozogʻiston koʻplab sohalarda raqobatdosh hisoblanadi va bank sohasi ham bundan yiroq emas. Bankir loyihasi tomonidan ikkala davlatdagi banklarning birinchi chorakdagi sof foydalari taqqoslab koʻrildi. 

Oʻzbekiston banklari — $265,1 mln sof foyda

Korporativ maʼlumotlarga koʻra, Oʻzbekistonda mavjud 36 ta bank joriy yil birinchi choragini 3 trln 419 mlrd soʻm (taxminan $265,1 mln) sof foyda bilan yakunladi. Bu oʻtgan yilning mos davriga nisbatan 41,7 foizga koʻproqdir. 

Eng koʻp foyda koʻrgan banklar quyidagilar:

• Oʻzmilliybank — 467,9 mlrd soʻm (+0,6%)
• Oʻzsanoatqurilishbank(SQB) — 404 mlrd soʻm (+18,9%)
• Hamkorbank— 393,4 mlrd soʻm (+23,1%)

Top uchlikdagi banklarning ikkatisi davlat ulushi mavjud banklar hisoblanadi

Qozogʻiston banklari – $1,3 milliard sof foyda

Qozogʻistondagi jami banklar soni Oʻzbekistonga nisbatan ancha kamroqdir-- 21 ta bank mavjud. Shunga qaramasdan mazkur davlat banklari birinchi chorakda jami 664 mld tenge yoki $1,3 mlrd sof foyda olgan. Bu koʻrsatkich Oʻzbekiston banklarining daromadidan besh barobar koʻproqdir.

Masalan, Halyk Bank yakka oʻzi 493,2 million dollar foyda koʻrgan boʻlib, bu Oʻzbekistondagi barcha banklarning umumiy foydasidan qariyb ikki barobar yuqoridir.

Humo toʻlov tizimini sotib olishga qiziqish bildirgan Kaspi Bank esa 249,6 million dollar, Forte Bank esa 101,7 million dollar foyda bilan chorakni yakunlagan.