OpenAI Oʻzbekistonda soliq toʻlovchi sifatida roʻyxatdan oʻtdi
Maʼlumot uchun, ushbu kompaniya mashhur ChatGPT platformasi yaratuvchisi hisoblanadi. Shu tariqa, Oʻzbekistonda rasmiy soliq toʻlovchi xorijiy internet-kompaniyalar soni 67 taga yetdi.
Amerikalik sunʼiy intellekt kompaniyasi OpenAI Oʻzbekistonda soliq toʻlovchi sifatida roʻyxatdan oʻtdi.
2025 yil 8 aprel kuni ChatGPT yaratuvchisi Soliq qoʻmitasining elektron xizmatlar platformasida QQS (qoʻshilgan qiymat soligʻi) toʻlovchisi sifatida roʻyxatdan oʻtgan.
Shu tariqa, Oʻzbekistonda rasmiy soliq toʻlovchi xorijiy internet-kompaniyalar soni 67 taga yetdi.
OpenAI — sunʼiy intellekt texnologiyalarini ishlab chiqishga ixtisoslashgan kompaniya boʻlib, uning eng mashhur mahsuloti ChatGPT hisoblanadi. Ushbu chat-bot foydalanuvchilarga savollarga javob berish, matn yozish, tarjima qilish, kod yozishda yordam berish kabi turli funksiyalarni taklif etadi.
Shuningdek, ChatGPT bir necha oydan beri Oʻzbekistonlik foydalanuvchilar tomonidan eng koʻp yuklab olingan ilovalar qatorida boʻlib turibdi.
Eslatib oʻtamiz, xorijiy internet-kompaniyalar 2024 yilda Oʻzbekistonda 115,8 mlrd soʻm soliq toʻlagan.
