Markaziy bank fevral oyida 8 ta bankka dividend toʻlash orqali foydani taqsimlamaslik talabini qoʻydi
Markaziy bankning Bank nazorati qoʻmitasi fevral oyidagi yigʻilishlarda 43 ta masalani koʻrib chiqdi.
Natijada 11 ta bank jarimaga tortildi, 14 ta bank va 4 ta toʻlov tashkiloti ogohlantirildi.
Shuningdek, 8 ta bankka oddiy aksiyalarga dividend toʻlash orqali foydani taqsimlamaslik talabi qoʻyildi.
Markaziy bankning Bank nazorati qoʻmitasi 2026 yil fevral oyida oʻtkazilgan yigʻilishlarda jami 43 ta masalani koʻrib chiqdi. Bu haqda regulyator matbuot xizmati xabar berdi.
Yigʻilishlarda asosan roʻyxatga olish va ruxsat berish jarayonlari, banklar hamda kredit tashkilotlarining moliyaviy holati, prudensial meʼyorlarga va Markaziy bank koʻrsatmalariga rioya etilishi, shuningdek inspeksiya tekshiruvlari natijalari muhokama qilindi.
Bundan tashqari, isteʼmolchilar huquqlarini himoya qilish, bank va toʻlov tashkilotlarida kiberxavfsizlik talablari hamda “tartibga solish qumdoni” doirasidagi sinov jarayonlari ham kun tartibidan oʻrin oldi.
Aniqlangan kamchiliklar natijasida regulyator tomonidan 11 ta bankka nisbatan jarima sanksiyalari qoʻllanildi. Shuningdek, 14 ta bank va 4 ta toʻlov tashkilotiga chora va sanksiyalar qoʻllanishi mumkinligi haqid
