12 010.450 so‘m

decrease

-13.160

13 200.690 so‘m

decrease

-36.100

145.640 so‘m

increase

0.100

12 010.450 so‘m

decrease

-13.160

Yaqin 3 soat ichida
Bank
25

Endilikda xodimlar ish haqini oʻzi tanlagan bank kartasiga olishi mumkin boʻladi

Xususiy sektor xodimlari endilikda ish beruvchisi qaysi bank xizmatidan foydalanishidan qatʼi nazar, ish haqini oʻzlari tanlagan bank kartasi yoki elektron hamyonga olishi mumkin. Yangi imkoniyat “Mablagʻlarni taqsimlash markazi” tizimi orqali amalga oshiriladi. 

Endilikda xodimlar ish haqini oʻzi tanlagan bank kartasiga olishi mumkin boʻladi

Bu haqda Markaziy bank matbuot xizmati xabar berdi.

Yangi tizim xodimlarga ish haqi va boshqa toʻlovlarni qabul qilish uchun bankni mustaqil tanlash imkonini beradi. Bunda ish beruvchi va xodimning bir bank xizmatlaridan foydalanishi shart emas.

Tizimdan foydalanish uchun xodim oʻziga qulay bankni tanlab, ushbu bankdagi kartasi yoki elektron hamyonining rekvizitlarini ish beruvchining buxgalteriyasiga taqdim etishi kerak.

Shundan soʻng ish beruvchiga xizmat koʻrsatuvchi bank toʻlov maʼlumotlarini “Mablagʻlarni taqsimlash markazi”ga yuboradi. Tizim maʼlumotlarni tekshiradi va mablagʻlarni xodim tanlagan bankka yoʻnaltiradi.

Natijada bir tashkilotda ishlovchi xodimlar ish haqini turli banklarning kartalari yoki elektron hamyonlariga olishlari mumkin boʻladi.

Markaziy bankning qayd etishicha, hozircha tizimning faqat birinchi versiyasi ishga tushirilgan boʻlib, u xususiy sektor tashkilotlari uchun ishlaydi.

Keyingi yangilanishlarda foydalanuvchilar takliflari inobatga olinib, tizimga yangi imkoniyatlar qoʻshilishi rejalashtirilmoqda.

Pinkod.uz saytida e'lon qilingan materiallardan nusxa ko'chirish, tarqatish va boshqa shakllarda foydalanish faqat tahririyat yozma roziligi bilan amalga oshirilishi mumkin.

O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 15.10.2024 sanasida №440126 sonli guvohnoma bilan OAV sifatida ro‘yxatga olingan.

© 2026 Pinkod.uz.
Barcha huquqlar himoyalangan.

18+