Apple Siri овозли ёрдамчисининг янгиланган версиясини Google’нинг Gemini сунъий интеллект модели асосида ишга туширмоқчи. Икки компания бу борада кўп йиллик ҳамкорлик келишувини имзолаганини маълум қилди. Янгиланган Siri жорий йил охирида тақдим этилиши кутилмоқда.

Апплеънинг таъкидлашича, Gemini модели Siri’ни янада ақлли ва функционал қилиш учун энг мос технологик асос деб топилган. Келишув доирасида Apple Google’нинг AI модели ва булутли ҳисоблаш инфратузилмасидан фойдаланади.

“Синчковлик билан баҳолашдан сўнг, Apple Google’нинг сунъий интеллект технологияси Apple Foundation Models учун энг салоҳиятли асос эканини аниқлади ва у Apple фойдаланувчилари учун очиб берадиган янги инновацион имкониятлардан мамнун,” — дейилади Apple ва Google қўшма баёнотида.

Бу қарор Апплеъга сунъий интеллектга асосланган Siri’ни тезроқ ишга тушириш имконини беради. Аввалроқ 2024 йилда эълон қилинган ушбу лойиҳа кечиктирилган ва бу Apple’нинг AI соҳасида рақобатчилардан ортда қолаётгани ҳақидаги муҳокамаларга сабаб бўлган эди.

Бозор иштирокчилари бу келишувни Apple учун ижобий қадам сифатида баҳоламоқда. Компания янгиланган Siri ва бошқа AI имкониятлари орқали iPhone савдосини жонлантиришни мақсад қилган. Сўнгги йилларда iPhone сотувида барқарор ўсиш кузатилмаган эди.

Мазкур битим Google учун ҳам катта ютуқ ҳисобланади. Gemini Апплеънинг келажакдаги AI стратегиясида марказий роль ўйнаши кутилмоқда. Аввал Apple айрим функциялар учун ОпенАИънинг ChatGPT технологиясидан фойдаланган, бироқ янги келишув Геминиъни асосий ечимга айлантиради. ChatGPT интеграцияси сақланиб қоладими ёки йўқ — ҳозирча аниқ эмас.

Келишувнинг молиявий тафсилотлари очиқланмади. Бироқ Bloomberg аввалроқ Apple Gemini’ни Siri’га интеграция қилиш учун йилига тахминан 1 миллиард доллар тўлашни режалаштираётгани ҳақида хабар берган эди.

Apple маълумотларига кўра, Apple Intelligence деб номланган AI функциялар фойдаланувчиларнинг шахсий маълумотларини ҳимоялаш мақсадида қурилманинг ўзида ёки махсус ҳимояланган булутда ишлашда давом этади.

Apple Siri’нинг AI асосидаги янги версияси учун Google’нинг Gemini моделини танлади