“Асакабанк” АЖ бошқарув раиси лавозимида фаолият юритиб келаётган Кудратилла Туляганов Олмазор тумани ҳокими этиб тайинланди.

Кудратилла Асатуллаэвич Туляганов 1982 йил 6-октябрда Тошкент шаҳрида туғилган. У 2008 йилда Тошкент молия институтининг бакалавриат босқичини, 2016 йилда эса Ўзбекистон Республикаси Банк-молия академиясининг магистратура босқичини муваффақиятли тамомлаган. Унинг мутахассислиги банк соҳасида инвестицияларни бошқариш ҳисобланади.

Туляганов банк-молия тизимида 25 йиллик иш тажрибасига эга мутахассис сифатида фаолият юритиб келмоқда. У 2020–2023 йиллар оралиғида Ташқи иқтисодий фаолият миллий банки (НБУ) бошқаруви раисининг ўринбосари лавозимида ишлаган.

2023 йил февраль ойидан буён у “Асакабанк” бошқарув раиси сифатида банкка раҳбарлик қилиб келаётган эди. Эндиликда у Олмазор тумани ҳокими лавозимида фаолиятини давом эттиради.

“Асакабанк” бошқарув раиси Олмазор тумани ҳокими этиб тайинланди