Олтин нархи илк маротаба $3 150 га яқинлашди
Ўзбекистон банкларида сотилаётган олтин қуймалари ҳам рекордни янгилаб, 5 граммлик қуйманинг нархи илк бор 6,6 миллион сўмдан ошди.
Олтин нархи илк маротаба троя унция учун $3 150 га яқинлашди. Хабар нашр қилинаётган пайтда биржаларда олтин $3 134 дан савдо қилинмоқда.
Қимматбаҳо метал нархи ошиши Доналд Трамп томонидан бошланган савдо уруши, Марказий банкларнинг олтинга бўлган катта талаби ва FED фоиз ставкаларини тушириши мумкин эканлиги фонида содир бўлмоқда.
Ундан ташқари, USA Today нашрига кўра биржалардаги олтинга бўлган инвестиция ҳам сезиларли даражада кўпайган.
Олтин нархи бўцича енг юқори прогнозни Macquarie Group тақдим этган бўлиб, унинг тахминига кўра, 2025 йилнинг учинчи чорагида олтин нархи $3,500 га етиши мумкин.
Мавзуга доир: Прогноз: 2025 йилда олтин нархи қанчагача кўтарилиши мумкин?
Швейсариянинг етакчи инвестицион банкларидан бири бўлган UBS эса 2025 йилда олтин $3,200 дан юқорига кўтарилиши мумкинлигини таъкидламоқда.
Марказий банк томонидан муомалага чиқарилган олтин қуймалари нархи ҳам рекордни янгилашда давом этмоқда.
Айни пайтда бир грамм олтин қуймаси 1 млн 334 минг 270 сўмга баҳоланмоқда.
Тўлиқ нархлар:
- 5 грамм — 6 млн 671 минг сўм
- 10 грамм — 13 млн 343 минг сўм
- 20 грамм — 26 млн 685 минг сўм
- 50 грамм — 66 млн 714 минг сўм
- 100 грамм — 133 млн 427 минг сўм
Ўзбекистонда Марказий банк томонидан 999,9 софликдаги олтиндан 5, 10, 20, 50 ва 100 граммли қуймалар сотувга чиқарилган ва қуймалар нархини регулятор ҳар куни янгилаб боради.
Олтин қуймаларини банклардан сотиб олиш имконияти мавжуд. Банкларнинг манзиллари ва батафсил маълумотларни Марказий банк расмий сайтидан топиш мумкин.
