Маскнинг Neuralink компанияси йил охиригача инсонга Blindsight кўриш имплантларини ўрнатади
Таъкидланишича, ушбу имплантлар туғма кўр инсонларга ҳам кўриш имкониятини тақдим этиши мумкин.
Илон Маскнинг Neuralink компанияси 2025 йилда ўзининг инновацион Blindsight чипини илк бор инсон миясига жойлаштиришни режалаштирмоқда. Бу тиббиёт соҳасидаги улкан ютуқлардан бири бўлиб, бутунлай кўр бўлган инсонларга атроф-муҳитни кўриш имконини тақдим этади.
Blindsight чипи мия ичидаги кўриш кортексига уланади ва уни стимулятсия қилади. Натижада инсон ишлайдиган кўз ёки оптик нервларга эҳтиёж сезмасдан тасвирларни қабул қила олади. Маскнинг таъкидлашича, агар инсоннинг иккала кўзи ва оптик нервлари олиб ташланган бўлса ҳам, визуал кортекси соғлом бўлса, у кўриш қобилиятига эга бўлиши мумкин. Ҳаттоки туғма кўр бўлган инсонларга ҳам кўриш имкониятини бериши эҳтимоли мавжуд.
Илк босқичда Blindsight чипи орқали кўриладиган тасвир мукаммал сифатга эга бўлмайди. Илк фойдаланувчилар видеоўйинларнинг дастлабки версияларига ўхшаш паст аниқликдаги тасвирни кўришлари мумкин. Бироқ, Ne келажакда ушбу чипни янада ривожлантириб, табиий кўришдан ҳам юқори сифатдаги тасвирларни тақдим этишини мақсад қилган. Ҳатто фойдаланувчилар инфрақизил, ультрабинафша ва эҳтимол радар тўлқинларини ҳам кўра олишлари мумкин бўлади.
2024 йил бошида Neuralink компанияси иккинчи беморга мия чипини муваффақиятли имплантация қилган ва унга видеоўйинларни фақат ўз фикрлари билан ўйнаш имконини берган эди. Эндиликда компания яна саккиз нафар беморга чип жойлаштиришни режалаштирмоқда.
