Дам олиш кунлари қайси банклар ишлайди?

Дам олиш кунлари айрим банклар томонидан қулайлик яратиш мақсадида хизматлар йўлга қўйилади. Бу ҳақда Марказий банк матбуот хизмати хабар берди.

27-28 сентябрь — шанба ва якшанба кунлари қуйидаги банклар томонидан айрим валюта айирбошлаш ва халқаро пул ўтказмалари шохобчалари фаолият кўрсатади:

• Агробанк;
• Анорбанк;
• Апехбанк;
• Асакабанк;
• Asia Alliance банк;
• Бизнесни ривожлантириш банки;
• Гарантбанк;
• Hamkorbank;
• Ҳаёт банк;
• Ипотека банк;
• Инфинбанк;
• Капиталбанк;
• Orient Финанс банк;
• Пойтахт банк;
• Tenge банк;
• Трастбанк;
• Туронбанк;
• Универсалбанк;
• Ўзмиллийбанк;
• Ўзсаноатқурилишбанк.

Шу билан бирга, “24/7” режимида ишловчи автоматлаштирилган валюта айирбошлаш банкоматлари орқали ҳамда банк биносига ташриф буюрмаган ҳолда куннинг исталган вақтида тижорат банкларининг мобил иловалари орқали валюта айирбошлаш операциясини амалга ошириш имкониятлари ҳам яратилган.

Банкоматлар жойлашувини бу ердан аниқлаш мумкин.

Аввалроқ Ўзбекистонда доллар расмий курси сўнгги икки йилдаги энг паст даражага тушгани хабар қилинган эди.