Bitcoin нархи сўнгги 10 ойдаги энг паст даражага тушди

Bitcoin (BTC) 2026 йил 2 февраль куни сўнгги 10 ой ичидаги энг паст кўрсаткичга тушиб, 74 541 долларгача пасайди. Бу кетма-кет тўртинчи ой Bitcoin нархининг пасайиши бўлиб, 2018 йилдан буён кузатилган энг узоқ йўқотишлар сериясига айланди. Криптовалюта 2025 йилда қайд этилган 126 минг доллардан юқори рекорд даражадан қарийб 40 фоизга арзонлашган.

Bitcoin’нинг жонли нархи билан қуйида танишиш мумкин:

Сўнгги кескин сотувлар бир нечта омилларнинг уйғунлашуви натижасида юз бермоқда:

Қимматбаҳо металлар бозоридаги қулаш. 
30 январь, жума куни олтин ва кумуш нархларининг кескин пасайиши металлар қулашини келтириб чиқарди. Ушбу бозорларда катта йўқотишларга учраган трейдерлар маржа чақирувларини қоплаш учун бошқа активларни, жумладан Битcоинни сотишга мажбур бўлди.

Федерал резерв раҳбарлигига номзод омили. 
АҚШ президенти Доналд Трамп томонидан Кевин Уоршнинг Федерал резерв тизими раҳбарлигига номзод сифатида илгари сурилиши рискли активларга босим ўтказди. Бозорлар Уоршни инфляцияга нисбатан қатъий позицияга эга шахс сифатида баҳоламоқда, бу эса фоиз ставкаларининг пасайиши бўйича кутишларни сусайтириб, доллар позицияларини мустаҳкамлади.

Йирик ликвидациялар. 
Сўнгги 24 соат ичида қарийб 590 миллион долларлик long (узоқ муддатли) позициялар мажбурий ёпилди. Дам олиш кунлари давомида крипто бозоридаги умумий ликвидациялар ҳажми 1,6 миллиард долларга яқинлашди, чунки нархлар муҳим қўллаб-қувватлаш даражаларидан пастга тушиб кетди.

Ликвидликнинг кескин камайиши. 
Савдо ликвидлиги, айниқса ҳафта охири ва Осиё сессияларида сезиларли даражада пасайди. Натижада нисбатан кичик сотув буюртмалари ҳам бозор нархига катта таъсир кўрсатмоқда.

Институционал инвесторлар чиқиб кетиши. 
Спот Bitcoin ETF’ларига бўлган қизиқиш ҳам пасаймоқда. 2026 йил бошидан буён ушбу фондлардан соф чиқимлар ҳажми қарийб 6 миллиард долларни ташкил этди.