Apple биринчи букланадиган iPhone — iPhone Duo’ни тақдим этди
Қурилма ёпиқ ҳолатда 5,4 дюймли смартфон сифатида ишлайди, очилганда эса 7,6 дюймли экранга эга мини-планшетга айланади. iPhone Duo A20 Pro чипи, иккита 48 мегапикселли камера ва букланадиган қурилмалар учун мослаштирилган iOS 27.1 операцион тизими билан жиҳозланган.
Иккита экран ва янги корпус
Ташқи 5,4 дюймли Super Retina XDR дисплей iPhone 18 Pro экрани майдонининг 90 фоизига тенг. Ички 7,6 дюймли экран эса iPhone 18 Pro Max дисплейидан 50 фоиз каттароқ.
Иккала экран ҳам ProMotion, Always-On ва 3000 нитгача ёрқинликни қўллаб-қувватлайди. Ички экрандаги нано-текстурали қоплама ёруғлик қайтишини ва букланган жойдаги чизиқнинг кўринишини камайтиради.
Корпус 5-даражали титандан тайёрланган, шарнир эса 100 дан ортиқ қисмдан иборат. Смартфон IP68 стандарти бўйича сув ва чангдан ҳимояланган. Touch ID бармоқ изи сканери ён томондаги тугмага жойлаштирилган.
A20 Pro ва икки батарея
iPhone Duo 2 нанометрли A20 Pro чипида ишлайди. Унинг процессори A19 Pro’дан 20 фоиз, график процессори эса 40 фоиз кучлироқ. Қурилмада совитиш учун буғ камераси ва корпуснинг ҳар икки қисмига жойлаштирилган алоҳида батареялар мавжуд.
Ички экранда 31 соатгача, ташқи экранда эса 44 соатгача видео кўриш мумкин. Аралаш фойдаланишда батарея 24 соатгача ишлайди. Симли қувватлашда смартфон 20 дақиқада, MagSafe ёки Qi2 орқали эса 30 дақиқада 50 фоизгача қувватланади.
Камера ва Apple Pencil
Орқа панелда 48 мегапикселли Fusion Main ва 48 мегапикселли Fusion Ultra Wide камералари ўрнатилган. Асосий камера оптик сифатдаги икки карра яқинлаштириш ҳамда Dolby Vision форматида 4K/120 fps видео ёзиш имконини беради.
Ташқи экран суратга тушаётган одамга кадрни олдиндан кўриш имконини беради. Ички дисплей остида эса FaceTime камераси яширилган. Шунингдек, йил охиригача иккала экранда ҳам USB-C’ли Apple Pencil ишлайди.
Бир вақтда иккита илова
iOS 27.1’даги Split View режими экранда иккита иловани ёнма-ён очиш имконини беради. Фойдаланувчилар бир илованинг иккита ойнасини ишга тушириши ва керакли иловалар жуфтлигини сақлаб қўйиши мумкин.
iPhone Duo бутун дунёда фақат eSIM билан ишлайди. У Wi-Fi 7, Bluetooth 6, Thread, MagSafe ва Qi2 стандартларини қўллаб-қувватлайди.
Ранглари
- Star White;
- Night Sky.
Нархи ва хотираси
- бошланғич нархи — 1 999 доллар;
- хотира вариантлари — 256 GB, 512 GB, 1 TB ва 2 TB.
Олдиндан буюртмалар 16 октябрда очилади, расмий сотувлар эса 23 октябрда бошланади.
